ശിവശങ്കറെ ജയിലിൽ ചോദ്യം ചെയ്യാൻ വിജിലൻസിന് അനുമതി

എം ശിവശങ്കറിനെ നാളെ ജയിലിൽ ചോദ്യം ചെയ്യാൻ വിജിലൻസിന് അനുമതി. എറണാകുളം പ്രിൻസിപ്പൽ സെഷൻസ് കോടതിയാണ് അനുമതി നൽകിയത്.

വിജിലൻസിൻ്റെ അപേക്ഷ പരിഗണിച്ചാണ് നടപടി. രാവിലെ 10 മുതൽ 5 വരെ ചോദ്യം ചെയ്യാനാണ് അനുമതി. ഓരോ രണ്ട് മണിക്കൂർ കൂടുമ്പോഴും അരമണിക്കൂർ വിശ്രമം നൽകണമെന്നും കോടതി നിര്‍ദേശിച്ചിട്ടുണ്ട്‌.

വടക്കാഞ്ചേരി ഭവനസമുച്ചയ പദ്ധതിയുമായി ബന്ധപ്പെട്ട കേസിലാണ് വിജിലൻസ് ചോദ്യം ചെയ്യുക. കേസിൽ ശിവശങ്കറിനെ വിജിലൻസ് നേരത്തെ പ്രതിചേർത്തിരുന്നു.