ദക്ഷിണേന്ത്യൻ താരം നയൻസ് എന്ന നയൻതാരയുടെ പിറന്നാൾ ഇന്നാണ്.ലവ് ആക്ഷൻ ഡ്രാമ എന്ന മലയാള ചിത്രത്തിന് ശേഷം നയൻതാര നായികയാകുന്ന നിഴൽ എന്ന മലയാള ചിത്രത്തിന്റെ ഷൂട്ടിംഗ് കൊച്ചിയിൽ നടക്കുന്നതിനാൽ ഇത്തവണ നയൻതാരയുടെ പിറന്നാൾ ആഘോഷം കൊച്ചിയിലാണ്.ഏറെ നാളുകൾക്കു ശേഷമാകും നയൻതാര കേരളത്തിൽ പിറന്നാൾ ആഘോഷിക്കുക.
ടൈറ്റില് കഥാപാത്രത്തെ അവതരിപ്പിച്ച തമിഴ് ചിത്രം ‘മൂക്കുത്തി അമ്മന്’ മികച്ച പ്രതികരണവുമായി ആമസോണ് പ്രൈമില് കാണികളെ നേടുമ്പോള് ഒരു മലയാളചിത്രത്തിന്റെ ഷൂട്ടിംഗില് പങ്കെടുത്തുകൊണ്ടിരിക്കുകയാണ് നയന്താര. കുഞ്ചാക്കോ ബോബന് നായകനാവുന്ന ത്രില്ലര് ചിത്രം ‘നിഴല്’ ആണ് അത്. ഇപ്പോഴിതാ പിറന്നാള് ദിനത്തില്, നയന്താരയുടെ ക്യാരക്റ്റര് പോസ്റ്റര് പുറത്തുവിട്ടിരിക്കുകയാണ് നായകനായ ചാക്കോച്ചൻ.
Happiest of Birthday wishes to the stylish Lady Superstar!!!
…..NAYANTHARA in NIZHAL…..
Welcome back to Mollywood!!!Posted by Kunchacko Boban on Tuesday, November 17, 2020
നയന്താരയ്ക്കൊപ്പം ആദ്യമായാണ് ഒരു മുഴുനീള കഥാപാത്രത്തെ ചാക്കോച്ചന് അവതരിപ്പിക്കുന്നത്.സ്റ്റൈലിഷ് ലേഡി സൂപ്പർ സ്റ്റാറിന് പിറന്നാളാശംസകൾ നേരുന്നെന്നും മോളിവുഡിലേക്ക് വീണ്ടും സ്വാഗതം എന്നും കുറിച്ചു കൊണ്ടാണ് കുഞ്ചാക്കോ ബോബൻ പോസ്റ്റർ തൻ്റെ ഫേസ്ബുക്ക് പേജിലൂടെ ഷെയർ ചെയ്തിരിക്കുന്നത്
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here