ഐഎസ്എലിലെ കരുത്തരുടെ പോരാട്ടത്തിൽ ബംഗളൂരുവിനെ സമനിലയിൽ തളച്ച് ഗോവ. എഫ്സി ഗോവ ബംഗളൂരു എഫ്സി മത്സരം 2-2 നാണ് സമനിലയിൽ പിരിഞ്ഞത്.
രണ്ടു ഗോൾ ലീഡുമായി ജയം ഉറപ്പിച്ച ബംഗളൂരുവിനെ ഗോവ മൂന്നു മിനിറ്റിനുള്ളിൽ രണ്ടു തവണ തിരിച്ചടിച്ച് സമനിലയിൽ പിടിക്കുകയായിരുന്നു. ആദ്യ പകുതിയിലും രണ്ടാം പകുതിയുടെ തുടക്കത്തിലുമായിരുന്നു ബംഗളൂരുവിന്റെ ഗോളുകൾ.
ക്ലെയ്റ്റൻ സിൽവ (27), യുനാൻ (57) എന്നിവരാണ് ബംഗളൂരുവിനായി ഗോൾ നേടിയത്. ജയം ഉറപ്പിച്ച ബംഗളൂരുവിന്റെ സമനിലതെറ്റിച്ചത് ഇഗോർ അംഗുലോയുടെ ബൂട്ടുകളായിരുന്നു. കളിയുടെ 66, 69 മിനിറ്റുകളിൽ അംഗുലോ ബംഗളൂരു വലയിൽ പന്തെത്തിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here