നിവാര് അതിതീവ്ര ചുഴലിക്കാറ്റായി തെക്ക്-കിഴക്കന് തീരത്തേക്ക് അടുക്കുന്ന സാഹചര്യത്തില് മുന്കരുതല് നടപടികള് ശക്തമാക്കി തമിഴ്നാട്. മോശം കാലാവസ്ഥയെ തുടര്ന്ന് ചെന്നൈ വിമാനത്താവളത്തില് നിന്നുള്ള എല്ലാ സര്വീസുകളും റദ്ദാക്കി. വ്യാഴാഴ്ച രാവില ഏഴ് മണി വരെയുള്ള സര്വീസുകളാണ് റദ്ദാക്കിയത്. ചെന്നൈയിലെ എല്ലാ റോഡുകളും ഇനി ഒരു അറിയിപ്പുണ്ടാവുന്നതു വരെ അടച്ചിട്ടു.
നവംബര് 26നുള്ള ഏഴോളം ട്രെയിന് സര്വീസുകള് റദ്ദാക്കി. എട്ടോളം ട്രെയിന് സര്വീസുകള് വഴിതിരിച്ചുവിടുമെന്ന് സതേണ് റെയില്വേ ഡിവിഷന് അറിയിച്ചു.
തമിഴ്നാട്ടിലെ 13 ജില്ലകളില് നവംബര് 26ന് പൊതു അവധി പ്രഖ്യാപിച്ചു. പുതുച്ചേരിയിലും തമിഴ്നാട്ടിലും വിവിധ സെന്ററുകളില് നാളെ നടത്താനിരുന്ന യുജിസി നെറ്റ് പരീക്ഷ മാറ്റിവെച്ചായി നാഷണല് ടെസ്റ്റിങ് ഏജന്സി അറിയിച്ചു.
രാത്രി എട്ടുമണിക്കും നാളെ രാവിലെ ആറുമണിക്കും ഇടയില് മഹാബലിപുരത്തിനും കാരയ്ക്കലിനും ഇടയില് നിവാര് കരതൊടുമെന്നാണ് കാലാവസ്ഥാ വകുപ്പിന്റെ പ്രവചനം. മണിക്കൂറില് 145 കിലോമീറ്റര് വേഗതയില് കാറ്റുവീശുമെന്നാണ് കരുതുന്നത്.
Heavy rainfall causes waterlogging in several areas of Puducherry; visuals from near Gandhi Statue Beach Road. #CycloneNivar pic.twitter.com/2ZZMVcrDPH
— ANI (@ANI) November 25, 2020
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here