ശക്തമായ പ്രതിഷേധങ്ങള്ക്കൊടുവിലാണ് ദല്ഹി ചലോ മാര്ച്ചിന് ദല്ഹിയില് പ്രവേശിക്കാന് അനുമതി നല്കിയത്. കര്ഷക സമരം മൂന്നാം ദിവസത്തിലേക്ക് കടക്കുമ്പോ ഴും നിരവധി പേരാണ് ഇപ്പോഴും അതിര്ത്തികളില് തുടരുന്നത്.
കര്ഷക പ്രക്ഷോഭം എപ്പോള് അവസാനിപ്പിക്കണമെന്ന് തീരുമാനിക്കേണ്ടത് കേന്ദ്രസര്ക്കാരാണെന്ന് ആക്ടിവിസ്റ്റും സ്വരാജ് ഇന്ത്യാ കണ്വീനറുമായ യോഗേന്ദ്ര യാദവ് ട്വീറ്റ് ചെയ്തു . കര്ഷകപ്രക്ഷോഭം ചരിത്രപരമായ സംഭവമായി മാറി.‘ദല്ഹിയില് നിന്ന് പാനിപ്പത്തിലേക്ക് യാത്ര ചെയ്ത് നോക്കൂ. എത്ര കര്ഷകരാണ് പ്രതിഷേധത്തില് ഭാഗമായിരിക്കുന്നതെന്ന് മനസിലാകും’, എന്നാണ് യോഗേന്ദ്ര യാദവ് പറഞ്ഞത് .
किसान आन्दोलन का अपडेट। #FarmersDelhiProtest https://t.co/RSrOkbuAas
— Yogendra Yadav (@_YogendraYadav) November 28, 2020
ദല്ഹിയില് കനത്ത പൊലീസ് കാവലാണ് ഇപ്പോഴും ഏര്പ്പെടുത്തിയിരിക്കുന്നത്. കര്ഷകര്ക്ക് ദല്ഹിയിൽ തുടരമാമെന്നും ബുരാരിയിലെ നിരാങ്കരി ഗ്രൗണ്ടില് പ്രതിഷേധിക്കാമെന്നുമാണ് ദല്ഹി പൊലീസ് കമ്മീഷണര് പറഞ്ഞത്.പൊലീസ് അനുമതിയെ തുടര്ന്ന് ഒരു വിഭാഗം കര്ഷകര് ദല്ഹിയിലേക്ക് കടന്നിരുന്നു. എന്നാല് ജന്തര് മന്ദറിലോ രാംലീല മൈതാനയിലോ സമരം ചെയ്യാന് ഇടം നല്കണമെന്ന ഉറച്ച നിലപാടിലാണ് വലിയൊരു വിഭാഗം കര്ഷകരും .മധ്യപ്രദേശിലെയും രാജസ്ഥാനിലെയും ഉത്തര്പ്രദേശിലെയും ഉത്തരാഖണ്ഡിലെയും കര്ഷകരാണ് ശനിയാഴ്ച ദല്ഹി അതിര്ത്തിയിലേക്ക് പ്രവേശിക്കാനെത്തുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here