സമീറയുടെ സിനിമാ അനുഭവങ്ങള്‍ ചേര്‍ത്തുവെച്ച് ‘അലങ്കാരങ്ങളില്ലാതെ-എ ഡിസൈനേഴ്‌സ് ഡയറി’; പുസ്തകം പ്രകാശനം ചെയ്ത് മമ്മൂട്ടി

മലയാള സിനിമയില്‍ വസ്ത്രാലങ്കാര മേഖലയില്‍ നിറസാന്നിധ്യമായ സമീറ സനീഷിന്റെ ആത്മകഥ ‘അലങ്കാരങ്ങളില്ലാതെ-എ ഡിസൈനേഴ്‌സ് ഡയറി’ നടന്‍ മമ്മൂട്ടി പ്രകാശനം ചെയ്തു.

മമ്മൂട്ടിയുടെ കുറിപ്പ്:

11 വര്‍ഷമായി മലയാള സിനിമയിലെ വസ്ത്രാലങ്കാര മേഖലയിലുള്ള സമീറയുടെ വ്യക്തി ജീവിതത്തിലേയും കരിയറിലേയും അനുഭവങ്ങള്‍ ചേര്‍ത്തുവച്ച് ഡി സി ബുക്ക്‌സ് പ്രസിദ്ധീകരിച്ച പുസ്തകം ‘അലങ്കാരങ്ങളില്ലാതെ-A designers diary’ ഇന്ന് വൈകുന്നേരം സംവിധായകന്‍ ആഷിഖ് അബുവിന് നല്‍കി പ്രകാശനം നിര്‍വ്വഹിച്ചു. മാദ്ധ്യമപ്രവര്‍ത്തകയായ രശ്മി രാധാകൃഷ്ണനാണ് പുസ്തകം എഴുതിത്തയ്യാറാക്കിയിരിയ്ക്കുന്നത്.. ഇ-ബുക്കും ലഭ്യമാണ്.