വോട്ടെടുപ്പിന് ദിവസങ്ങൾ മാത്രം അവശേഷിക്കെ കാമുകനൊപ്പം ഒളിച്ചോടിയ സ്ഥാനാർഥിയെ തപ്പി ഇറങ്ങേണ്ടി വന്നിരിക്കുകയാണ് കണ്ണൂർ മാലൂരിലെ ബി ജെ പി പ്രവർത്തകർക്ക്.
മാലൂർ പഞ്ചായത്തിലെ സ്ഥാനാര്ഥിയും മൂന്നു വയസ്സുകാരന്റെ അമ്മയുമായ യുവതിയാണ് കാസര്കോട് ബേഡഡുക്ക സ്വദേശിയായ കാമുകനൊപ്പം ഒളിച്ചോടിയത്.ഇവരുടെ ഭർത്താവും മറ്റൊരു വാർഡിൽ ബി.ജെ.പി സ്ഥാനാർഥിയാണ്.
തെരഞ്ഞെടുപ്പിന് ആവശ്യമായ ചില രേഖകള് എടുക്കാനായി പേരാവൂരിലെ സ്വന്തം വീട്ടിലേക്കെന്ന് പറഞ്ഞാണ് സ്ഥാനാർഥി ഇറങ്ങിയത് തിരിച്ചെത്താത്തതിനെ തുടര്ന്ന് നടത്തിയ അന്വേഷണത്തിലാണ് ഇവര് കാമുകനൊപ്പം നാടുവിട്ടതായി മനസ്സിലായത്. ഗള്ഫിലായിരുന്ന കാമുകന് കഴിഞ്ഞ ദിവസമാണ് നാട്ടിലെത്തിയത്.
വിവാഹത്തിനുമുമ്പ് സ്ഥാനാര്ഥിക്ക് ഇയാളുമായി ബന്ധമുണ്ടായിരുന്നുവെന്ന് കരുതുന്നു. സംഭവത്തില് യുവതിയുടെ പിതാവിന്റെ പരാതിയില് പേരാവൂര് പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here