തദ്ദേശതെരഞ്ഞെടുപ്പില് കേരളത്തിനെ ചുവപ്പണിയിക്കുകയായിരുന്നു ജനങ്ങള്. രാഷ്ട്രീയ നിലപാടിനും സംസ്ഥാന ഭരണത്തിനും ജനങ്ങള് നല്കിയ അംഗീകാരമാണെന്ന് സിപിഐ എം സംസ്ഥാന സെക്രട്ടറിയറ്റ് . കേന്ദ്ര അന്വേഷണ ഏജന്സികളേയും വലതുപക്ഷ മാധ്യമങ്ങളേയും അംഗീകാരമാണ് ഈ വന് വിജയം.
ഗ്രാമപഞ്ചായത്തുകളിലും ബ്ലോക്ക്-ജില്ലാ പഞ്ചായത്തുകളിലും കോര്പറേഷനുകളിലും എല്ഡിഎഫ് വ്യക്തമായ ആധിപത്യം പുലര്ത്തിക്കഴിഞ്ഞു. 941 ഗ്രാമപഞ്ചായത്തുകളില് 517 എണ്ണത്തിലും എല്ഡിഎഫ് മുന്നിട്ടുനില്ക്കുകയാണ്. യുഡിഎഫിന് 374, എന്ഡിഎ, 22, മറ്റുള്ളവര് 28 എന്നിങ്ങനെയാണ് മറ്റു കക്ഷികള്.
ബ്ലോക്ക് പഞ്ചായത്തില് 152 ല് എല്ഡിഎഫ് 107 ഇടത്തും യുഡിഎഫ് 45 ഇടത്തും ലീഡ് ചെയ്യുന്നു. ആകെയുള്ള 14 ജില്ലാ പഞ്ചായത്തുകളില് 10 ഇടത്ത് എല്ഡിഎഫ് ലീഡ് ചെയ്യുമ്പോള് നാലിടത്ത് മാത്രമാണ് യുഡിഎഫിന് ലീഡ് ചെയ്യാനാവുന്നത്. മുനിസിപ്പാലിറ്റികളില് കടുത്ത മത്സരമാണ് നടക്കുന്നത്. ആകെയുള്ള 86 എണ്ണത്തില് 45 ഇടത്ത് യുഡിഎഫ് മുന്നിട്ടുനില്ക്കുന്നു. 35 ഇടത്ത് എല്ഡിഎഫും ലീഡ് ചെയ്യുന്നു.
കോര്പറേഷനുകളില് മൂന്നിടത്ത് എല്ഡിഎഫ് മുന്നിട്ടുനില്ക്കുന്നു. തിരുവനന്തപുരം (43), കൊല്ലം (38), കോഴിക്കോട് (47) എന്നിവിടങ്ങളിലാണ് എല്ഡിഎഫ് ലീഡ് ചെയ്യുന്നത്. എല്.എഡി.എഫ് ഏറ്റവും വലിയ കക്ഷിയായ കൊച്ചി കോര്പറേഷനിലും എല്.ഡി.എഫ് ഭരിക്കാനാണ് സാധ്യത.
കണ്ണൂര് (27),തൃശ്ശൂര് (23) എന്നിവിടങ്ങളില് യുഡിഎഫും ലീഡ് ചെയ്യുന്നു. എല്ഡിഎഫിനുണ്ടായ ചരിത്ര വിജയം മുന്നണിയുടെ തത്ത്വാധിഷ്ഠിത രാഷ്ട്രീയ നിലപാടിനും സംസ്ഥാന ഭരണത്തിനും ജനങ്ങള് നല്കിയ അംഗീകാരമാണെന്ന് സിപിഐ എം സംസ്ഥാന സെക്രട്ടറിയറ്റ് .
കേന്ദ്ര അന്വേഷണ ഏജന്സികളേയും വലതുപക്ഷ മാധ്യമങ്ങളേയും ഉപയോഗിച്ച് നടത്തിയ അപവാദ പ്രചാരവേലകള്ക്ക് തിരഞ്ഞെടുപ്പില് തക്കതായ മറുപടി നല്കിയതിന് ജനങ്ങളെ പ്രത്യേകം അഭിവാദ്യം ചെയ്യുന്നു. ജനതയെ ഒപ്പം ചേര്ത്ത് നാട്ടില് സമാനതകളില്ലാത്ത വികസനം നടപ്പിലാക്കിയ പിണറായി സര്ക്കാരിലുള്ള ആഴത്തിലുള്ള വിശ്വാസത്തിന്റെ പ്രതിഫലനം കൂടിയാണിത്.
ഒരു വശത്ത് ബിജെപിയുമായി രഹസ്യധാരണയും മറുവശത്ത് വെല്ഫെയര് പാര്ടിയുമായി പരസ്യധാരണയുമുണ്ടാക്കിയാണ് യുഡിഎഫ് മത്സരിച്ചത്. തിരുവനന്തപുരം കോര്പ്പറേഷനില് ഉള്പ്പെടെ പലയിടങ്ങളിലും ബിജെപിക്ക് വേണ്ടി വോട്ട് മറിക്കുകയാണ് കോണ്ഗ്രസ് ചെയ്തത്. എന്നാല്, ഇതൊന്നുകൊണ്ടും എല്ഡിഎഫിന്റെ ചരിത്ര വിജയത്തെ തടയാന് കഴിഞ്ഞിട്ടില്ല.
ഹിന്ദു രാഷ്ട്രത്തിനും ഇസ്ലാമിക രാഷ്ട്രത്തിനും വേണ്ടി നിലകൊള്ളുന്നവരെ ഒന്നിപ്പിക്കുന്ന പാലമായി മാറിയ കോണ്ഗ്രസ് കേരളത്തെ വര്ഗീയമായി ധ്രുവീകരിക്കുന്നതിനാണ് ശ്രമിച്ചത്. എന്നാല്, എല്.ഡി.എഫ് ഉയര്ത്തിപ്പിടിച്ച മതനിരപേക്ഷ നിലപാടിനൊപ്പമാണ് കേരള ജനത നിലയുറപ്പിച്ചത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here