കൊവിഡ് സുരക്ഷാ മാനദണ്ഡങ്ങള് പാലിക്കാത്തതിന് അണിയറ പ്രവര്‍ത്തകരെ ചീത്തവിളിച്ച് ഹോളിവുഡ് താരം ടോം ക്രൂയിസ്. മിഷന്‍ ഇമ്പോസിബിളിന്‍റെ ചിത്രീകരണത്തിനിടെയാണ് സാമൂഹിക അകലം പാലിക്കാത്ത
അണിയറ പ്രവര്‍ത്തകരെ ചീത്തവിളിച്ചത്. ഇനി ആവര്‍ത്തിച്ചാല്‍ ജോലിയില്‍ നിന്ന് പുറത്താക്കുമെന്നും ടോം പറഞ്ഞു.
Tom Cruise went ballistic on the Mission: Impossible 7 crew for breaking COVID protocols…pic.twitter.com/WbIpVlja7w
— Rex Chapman🏇🏼 (@RexChapman) December 16, 2020
ഇന്‍ഡസ്ട്രി നിര്‍ത്തിവെച്ചതോടെ ആളുകള്‍ക്ക് വീടുകള്‍ നഷ്ടമായി. ഭക്ഷണമില്ലാതായി, കോളേജ് ഫീസ് അടയ്ക്കാന്‍ കഴിയാതായി, അതാണ് ഉറങ്ങാന്‍ കിടക്കപ്പോള്‍ ഞാന്‍ ഓര്‍ക്കുന്നത്. ഇന്‍ഡസ്ട്രിയുടെ ഭാവി. നമ്മളെ ഓര്‍ത്തുകൊണ്ടാണ് ഹോളിവുഡ് വീണ്ടും സിനിമകള്‍ നിര്‍മിക്കുന്നത്, അവര്‍ നമ്മളെ വിശ്വസിക്കുന്നു. നിര്‍മാതാക്കളോടും, സ്റ്റുഡിയോകളോടും, ഇന്‍ഷുറന്‍സ് കമ്പിനികളോടുമെല്ലാം ഞാന്‍ സംസാരിക്കുന്നുണ്ട്. അവര്‍ സിനിമകള്‍ നിര്‍മിക്കാന്‍ നമ്മളെ നോക്കിക്കാണുകയാണ്. ആയിരക്കണക്കിന് തൊഴിലവസരങ്ങളാണ് നമ്മളുണ്ടാക്കുന്നത്. ഈ സിനിമ ഞങ്ങള്‍ നിര്‍ത്തിവെക്കില്ല, അതുകൊണ്ട് തന്നെ ഇനി ആവര്‍ത്തിച്ചാല്‍ നിങ്ങള്‍ പുറത്താണ്.’ ‘ദ സണ്‍’ പുറത്തുവിട്ട രണ്ട് മിനിറ്റ് ദെെര്‍ഘ്യമുളള ഓഡിയോയില്‍ ടോം പറയുന്നു.
നിങ്ങള്‍ക്ക് നിങ്ങളുടെ ഉത്തരവാദിത്വം അറിയാമോ,? നിങ്ങള്‍ക്ക് വിവേകപൂര്‍ണത്തോടെ പെരുമാറാന്‍ കഴിയാതിരിക്കുകയും എനിക്ക് നിങ്ങളുടെ ലോജിക്ക് അംഗീകരിക്കാന്‍ പറ്റാതിരിക്കകുകയുമാണെങ്കില്‍, നിങ്ങള്‍ പുറത്താണ്.
ക്ഷുഭിതനായ ടോം ക്രുയിസിന്‍റെ ഓഡിയോ സോഷ്യല്‍ മീഡിയയില്‍ വെെറലാകുകയാണ്. കൊവിഡ് സുരക്ഷാ മാനദണ്ഡങ്ങള് പാലിക്കാത്തവര്‍ക്ക് നേരെ കര്‍ശനടപടിയുണ്ടാകണമെന്നാണ് ഒരു വിഭാഗം പറയുന്നത്.
This audio of Tom Cruise screaming at the Mission Impossible 7 crew for breaking COVID rules is kind of … great?https://t.co/IvcgnX93AA pic.twitter.com/x59cikDdgO
— Jarett Wieselman (@JarettSays) December 15, 2020
അതേസമയം ചിലരാകട്ടെ, അണിയറപ്രവര്‍ത്തകരെ ഭീഷണിപ്പെടുത്തിയ താരത്തിനെതിരെ രംഗത്ത് വന്നു.
മിഷൻ ഇംപോസിബിള്‍ 7 എന്ന ചിത്രത്തിന്‍റെ ചിത്രീകരണത്തിനിടെയാണ് ചിത്രത്തിന്‍റെ നിര്‍മാതാവ് കൂടിയായ ടോം ക്ഷുഭിതനായത്.
ലോക് ഡൗണ്‍ മൂലം ഷൂട്ടിംഗ് നിര്‍ത്തിവെച്ച ചിത്രം, സര്‍ക്കാര്‍ നിയന്ത്രണങ്ങള്‍ നീക്കിയതോടെയാണ് ചിത്രീകരണം പുനരാരംഭിക്കുകയായിരുന്നു. ഇറ്റലിയിലെ ചിത്രീകരണത്തിനിടെ 12 പേര്‍ക്ക് കൊവിഡ് സ്ഥിരീകരിച്ചതിന് പിന്നാലെ ഷൂട്ടിങ് നിര്‍ത്തിവെച്ചിരുന്നു. ക്രിസ്റ്റഫര്‍ മക്ക്വറി സംവിധാനം ചെയ്യുന്ന ചിത്രം അടുത്ത വര്‍ഷം നവംബറിലാണ് റിലീസ് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
