തദ്ദേശ തെരഞ്ഞെടുപ്പില് ഉജ്വല വിജയം നേടിയ ഇടത് മുന്നണിക്ക് അഭിനന്ദനവുമായി സംവിധായകന് റോഷന് ആന്ഡ്രൂസ്. പേമാരിയില് മങ്ങുന്ന നിറമല്ല ചുവപ്പെന്നും സാരഥിയുടെ കരങ്ങളില് തേര് സുരക്ഷിതമെന്ന് അറിയാമായിരുന്നെന്നും റോഷന് ആന്ഡ്രൂസ് ഫേസ് ബുക്കില് കുറിച്ചു.
കുറിപ്പിന്റെ പൂര്ണരൂപം:
അറിയാമായിരുന്നു.. പേമാരിയില് മങ്ങുന്ന നിറമല്ല ചുവപ്പെന്ന്
അറിയാമായിരുന്നു.. അധ്വാനിക്കുന്നവന്റെ തത്വശാസ്ത്രത്തെ തോല്പിക്കാനാവില്ലെന്ന്
അറിയാമായിരുന്നു.. മലയാളിക്ക് മറക്കാവുന്നതല്ല ദുരിത കാണ്ഡങ്ങളെ നേരിട്ടപ്പോള് ഒപ്പം നിന്ന് പകര്ന്ന ധൈര്യമെന്ന്
അറിയാമായിരുന്നു.. സാരഥിയുടെ കരങ്ങളില് തേര് സുരക്ഷിതമെന്ന്
അറിയാമായിരുന്നു.. ഈ ചെങ്കോട്ടയുടെ കരുത്ത്
ഈ കൊടിയടയാളത്തിലെ സത്യം
ഈ ചുവപ്പന് വിജയം!
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here