സംസ്ഥാന സർക്കാർ പൂർണ്ണമായും കിഫ്ബി ധനസഹായത്തോടെ ഏറ്റെടുത്ത് നിർമ്മിക്കുന്ന 86.34 കോടി രൂപയുടെ വൈറ്റില മേല്പ്പാലത്തിന്റെയും 82.74 കോടി രൂപയുടെ കുണ്ടന്നൂർ മേല്പ്പാലത്തിന്റെയും പ്രവൃത്തികള് ഏകദേശം പൂർത്തിയായി കഴിഞ്ഞു.
ജനുവരി ആദ്യം തന്നെ മുഖ്യമന്ത്രി സ. പിണറായി വിജയൻ വൈറ്റില, കുണ്ടന്നൂർ മേൽപ്പാലങ്ങൾ നാടിന് സമർപ്പിക്കും.
യുഡിഎഫ് സർക്കാരിന്റെ കാലത്ത് ഫണ്ട് നീക്കി വെക്കാതിരുന്നതിനാൽ മുടങ്ങിക്കിടന്ന മേൽപ്പാലമാണിപ്പോൾ ഈ സർക്കാർ യാഥാർഥ്യമാക്കിയിരിക്കുന്നത്.
കഴിഞ്ഞ സർക്കാർ തറക്കല്ലിട്ടിരുന്നുവെങ്കിലും ടെണ്ടർ വിളിക്കുകയോ പ്രവൃത്തി തുടങ്ങാനുള്ള നടപടി സ്വീകരിക്കുകയോ ചെയ്തിരുന്നില്ല. ഇടതുപക്ഷ ജനാധിപത്യ മുന്നണി സർക്കാർ അധികാരത്തിലെത്തിയ ശേഷം കിഫ്ബിയില് ഉള്പ്പെടുത്തി ഭരണാനുമതിയും സാങ്കേതികാനുമതിയും നല്കി ഈ പ്രൊജക്ടുകള് പ്രാവർത്തികമാക്കുകയായിരുന്നു.
ദേശീയപാതയുടെ ഭാഗമായി വരുന്ന പ്രസ്തുത മേല്പ്പാലങ്ങള്ക്കു സംസ്ഥാന സർക്കാരാണ് പൂർണ്ണമായും പണം കണ്ടെത്തി നല്കുന്നത്. നിലവിലുള്ള ഗതാഗതക്കുരുക്കിന് വലിയൊരു പരിഹാരമേകാന് ഈ മേല്പ്പാലങ്ങള് ജനങ്ങൾക്ക് തുറന്ന് കൊടുക്കുന്നതിലൂടെ സാധിക്കും.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here