സിസ്റ്റര് അഭയ കൊലക്കേസിലെ നിര്ണ്ണായക ശിക്ഷ വിധി ഇന്ന്. കുറ്റക്കാരെന്ന് കണ്ടെത്തിയ ഫാ. തോമസ് എം കോട്ടൂരിനും, സിസ്റ്റര് സെഫിയ്ക്കുമെതിരായ ശിക്ഷയാണ് തിരുവനന്തപുരം സിബിഐ പ്രത്യേക കോടതിവിധിക്കുക. 28 വര്ഷത്തിന് ശേഷമാണ് കേസില് വിധി വരുന്നത്.
അഭയകൊലക്കേസില് വൈദികരായ ഫാദര് തോമസ് കോട്ടൂരും, സിസ്റ്റര് സെഫിയും കുറ്റക്കാരാണെന്ന ചരിത്ര വിധി കഴിഞ്ഞ ദിവസമാണ് തിരുവനന്തപുരം സിബിഐ പ്രത്യേക കോടതി വിധിച്ചത്. വിധിക്ക് തുല്യം പ്രാധാന്യമര്ഹിക്കുന്നതാണ് ഇന്നത്തെ ശിക്ഷ പ്രസ്താവിക്കലും.
കോടതി രാവിലെ പതിനൊന്നിന് ശിക്ഷയില്വാദം കേള്ക്കും. കൊലപാതകം, തെളിവ് നശിപ്പിക്കല് എന്നീ കുറ്റങ്ങളാണ് പ്രതികള്ക്കെതിരെ കോടതി കണ്ടെത്തിയിരിക്കുന്നത്.
കൊലപാതകം നടത്താനെന്ന ലക്ഷ്യത്തോടെ അതിക്രമിച്ച് കയറിയെന്ന കുറ്റം തോമസ് എം കോട്ടൂരിനെതിരെ മാത്രമാണ് തെളിഞ്ഞത്.
അപൂര്വ്വങ്ങളില് അപൂര്വ്വമായകേസായി പരിഗണിച്ച് പരാമവധി ശിക്ഷ പ്രതികള്ക്ക് വിധിക്കണമെന്ന് പ്രോസിക്യൂഷൻ കോടതിയില് വാദിക്കും. പ്രായവും അസുഖങ്ങളും കണക്കിലെടുത്ത് ശിക്ഷയില് ഇളവ് വേണമെന്നാകും പ്രതിഭാഗം ആവശ്യപ്പെടുക.
ഇരുവാദങ്ങളും പരിശോധിച്ചാകും തിരുവനന്തപുരം സിബിഐ പ്രത്യേക കോടതി ജഡ്ജി കെ സനില്കുമാര് ശിക്ഷ വിധിയ്ക്കുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here