അര്‍ണബ് ഗോസ്വാമിയുടെ തത്സമയം സമവാദ പരുപാടി നിയന്ത്രണങ്ങള്‍ ലംഘിച്ചുവെന്ന് കാണിച്ച് റിപ്പബ്ലിക് ടിവിക്ക് യുകെ ബ്രോഡ്കാസ്റ്റുംഗ് അതോറിറ്റി 20000 പൗണ്ട് പി‍ഴയിട്ടു.“കുറ്റകരമായ ഭാഷ”, “വിദ്വേഷ ഭാഷണം”, “അധിക്ഷേപം” എന്നിവ ചാനല്‍ പരുപാടിയില്‍ ഉണ്ടെന്ന് കാട്ടിയാണ് റിപ്പബ്ലിക് ടിവിയുടെ ഹിന്ദി പതിപ്പ് റിപ്പബ്ലിക് ഭാരതിന് കമ്മ്യൂണിക്കേഷൻസ് റെഗുലേറ്റർ ഓഫീസ് ഓഫ് കമ്മ്യൂണിക്കേഷൻസ്. പരിപാടിയില്‍ അധിക്ഷേപിക്കപ്പെട്ട വ്യക്തിഗളോട്, മതവിഭാഗത്തോട്, സമൂഹത്തോട് പരസ്യമായി മാപ്പ് പറയണമെന്നും റിപ്പബ്ലിക് ഭാരതിനോട് അതോറിറ്റി ആവശ്യപ്പെട്ടു.
2019 സെപ്റ്റംബർ 6 ന് സംപ്രേഷണം ചെയ്ത ചാനലിന്റെ “ഇന്ത്യ ചോദിക്കുന്നു” എന്ന പരിപാടിയിൽ അവതാരകനും റിപ്പബ്ലിക് ടിവി എഡിറ്റർ ഇൻ ചീഫുമായ അർനബ് ഗോസ്വാമി പ്രകടിപ്പിച്ച അഭിപ്രായങ്ങളും ചര്‍ച്ചയില്‍ പങ്കെടുത്ത ചില അതിഥികളും പ്രക്ഷേപണ മാനദണ്ഡങ്ങൾ ലംഘിച്ചുവെന്നാണ് യുകെ ബ്രോഡ്കാസ്റ്റിംഗ് അതോറിറ്റി കണ്ടെത്തിയിരിക്കുന്നത്. റിപ്പബ്ലിക് ഭാരത് യുകെയിൽ സംപ്രേഷണം ചെയ്യുന്നതിനുള്ള ലൈസൻസ് കൈവശമുള്ള വേൾഡ് വ്യൂ മീഡിയ നെറ്റ്‌വർക്ക് ലിമിറ്റഡിന് ഉപരോധം ഏർപ്പെടുത്തിയിട്ടുണ്ട്.
ഇന്ത്യയുടെ ചന്ദ്രയാൻ 2 ബഹിരാകാശ ദൗത്യവുമായി ബന്ധപ്പെട്ടതാണ് റിപ്പബ്ലിക് ഭാരതത്തിന് പിഴ ചുമത്തിയ പരിപാടി. പരുപാടിയില്‍ ഇന്ത്യയുടെയും പാക്കിസ്ഥാന്‍റെയും ബഹിരാകാശ പര്യവേഷണവും സാങ്കേതിക മുന്നേറ്റവും താരതമ്യം ചെയ്യുന്നതിന് പിന്നാലെ. ദൗത്യത്തിനെതിരായ പാക്കിസ്ഥാന്‍റെ തീവ്രവാദ പ്രവര്‍ത്തനത്തെ കുറിച്ചും ആരോപണമുന്നയിക്കുന്നുണ്ട്.
ചർച്ചാ പാനലിൽ ഗോസ്വാമിയും അതിഥികളും നടത്തിയ അഭിപ്രായങ്ങളിൽ ഒഫ്കോം അതൃപ്തി പ്രകടിപ്പിച്ചു. അഭിപ്രായങ്ങള്‍ “പാകിസ്ഥാൻ ജനതയ്‌ക്കെതിരായ വിദ്വേഷ ഭാഷണവും പാകിസ്ഥാൻ ജനതയെ അവഹേളിക്കുന്നതും അധിക്ഷേപിക്കുന്നതും”മാണെന്ന് റെഗുലേറ്ററി അതോറിറ്റി പറഞ്ഞു.
പാക്കിസ്ഥാന്‍റെ ശാസ്ത്രജ്ഞർ, ഡോക്ടർമാർ, നേതാക്കൾ, രാഷ്ട്രീയക്കാർ എന്നിവരെല്ലാം തീവ്രവാദികളാണെന്നാണ് ചര്‍ച്ചയില്‍ അര്‍ണബും അതിഥികളും പ്രതികരിച്ചത്. അവരുടെ കായിക താരങ്ങള്‍ പോലും. എല്ലാ കുട്ടികളും അവിടെ ഒരു തീവ്രവാദിയാണ്. എല്ലാ കുട്ടികളും ഒരു തീവ്രവാദിയാണ്. നിങ്ങൾ ഒരു തീവ്രവാദ സ്ഥാപനവുമായി ഇടപെടുകയാണ് ” എന്നുമൊക്കെയാണ് സംവാദത്തില്‍ ഉയര്‍ന്ന വാദങ്ങള്‍.
ഞങ്ങൾ ശാസ്ത്രജ്ഞരും, നിങ്ങൾ തീവ്രവാദികളുമാണെന്നാണ്” ഗോസ്വാമി പാകിസ്താൻ ജനതയെയും അഭിസംബോധന ചെയ്തു പറഞ്ഞത്.
“ജനറൽ സിൻ‌ഹ” എന്ന അതിഥികളിലൊരാളുടെ അഭിപ്രായങ്ങളും ഓഫ്‌കോം പരാമർശിച്ചു. പാകിസ്ഥാനിലെ ജനങ്ങളെ “ഭിക്ഷക്കാർ” എന്ന് പരാമർശിക്കുകയും രാജ്യത്തിന് നേരെ സൈനിക ആക്രമണത്തെ ഭീഷണിപ്പെടുത്തുകയും ഇദ്ദേഹം ചെയ്തു.
പ്രോഗ്രാമിന്റെ ഉള്ളടക്കം “കുറ്റകരമാകാൻ സാധ്യതയുള്ളതും സന്ദർഭത്തിനനുസരിച്ച് മതിയായ ന്യായീകരണമില്ലാത്തതുമാണ്” എന്ന് ഓഫ്‌കോം കുറിച്ചു. പാക്കിസ്ഥാന്‍ ജനതയുടെ ദേശീയതയെ മാത്രം അടിസ്ഥാനമാക്കിയുള്ള അസഹിഷ്ണുതയെ അടിസ്ഥാനമാക്കിയുള്ള വിദ്വേഷത്തിന്റെ പ്രകടനമാണിതെന്നും കാഴ്ചക്കാർക്കിടയിൽ പാകിസ്ഥാൻ ജനതയോടുള്ള അസഹിഷ്ണുതയെ പ്രോത്സാഹിപ്പിക്കുകയും ന്യായീകരിക്കുകയും ചെയ്തു.
വംശീയ പദമാണെന്നും യുകെയിലെ പ്രേക്ഷകർക്ക് അസ്വീകാര്യമാണെന്നും പറഞ്ഞ “പാക്കി” എന്ന പദം ഉപയോഗിച്ചതും അതോറിറ്റി ചൂണ്ടിക്കാട്ടി.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
