കൊവിഡ് മാനദണ്ഡങ്ങള്‍ ലംഘിച്ചതിന് മുന്‍ ഇന്ത്യന്‍ ക്രിക്കറ്റ് താരം സുരേഷ് റെയ്നയും ഇന്‍റീരിയര്‍ ഡിസൈനറും ഹൃത്വിക് റോഷന്‍റെ മുന്‍ ഭാര്യയുമായ സൂസന്‍ ഖാനുമുള്‍പ്പെടെ34 പേര്‍ അറസ്റ്റില്‍. മുബൈയിലെ ഹോട്ടലില്‍ നടത്തിയ റെയ്ഡിലാണ് അറസ്റ്റ്. അനുവദനീയമായ സമയപരിധിക്കപ്പുറം സ്ഥാപനം തുറന്നിടുകയും കൊവിഡ് മാനദണ്ഡങ്ങള്‍ ലംഘിക്കുകയും ചെയ്തതിനാണ് അറസ്റ്റ്. ഇവരെ പിന്നീട് ജാമ്യത്തില്‍ വിട്ടയച്ചു.
അറസ്റ്റിലായവരില്‍ ഗായകന്‍ ഗുരു രന്ധാവയും ഉള്‍പ്പെടുന്നുണ്ട്. മുംബൈയിലെ ഡ്രാഗണ്‍ഫ്ളൈ ക്ലബ്ബ് ഹോട്ടലില്‍ മുംബൈ പൊലീസ് നടത്തിയ റെയ്ഡിനെ തുടര്‍ന്നായിരുന്നു അറസ്റ്റ്. അന്ധേരിയിലെ ക്ലബില്‍ പുലര്‍ച്ചെ മൂന്ന് മണിയോടെയായിരുന്നു റെയ്ഡ്. റെയ്ഡില്‍ ക്ലബിലെ ഏഴ് സ്റ്റാഫ് അംഗങ്ങളും അറസ്റ്റിലായി. സെക്ഷന്‍ 188 (സര്‍ക്കാര്‍ പ്രഖ്യാപിച്ച ഉത്തരവിനെതിരെയുള്ള ലംഘനം), സെക്ഷന്‍ 269 സെക്ഷന്‍ 34 എന്നീ വകുപ്പുകള്‍ പ്രകാരമാണ് കേസെടുത്തിരിക്കുന്നത്.
പുതുവര്‍ഷത്തിന് മുന്നോടിയായി പൊതുപരിപാടികള്‍ക്ക് കടുത്ത നിയന്ത്രണങ്ങള്‍ മഹാരാഷ്ട്ര സര്‍ക്കാര്‍ ഏര്‍പ്പെടുത്തിയിട്ടുണ്ട്. ബ്രിട്ടനില്‍ കൊവിഡ് വൈറസിന്റെ പുതിയ വകഭേദം കണ്ടെത്തിയ റിപ്പോര്‍ട്ടുകളുടെ അടിസ്ഥാനത്തില്‍, മുന്‍കരുതലെന്ന നിലയില്‍ മുംബൈ മുനിസിപ്പല്‍ കോര്‍പ്പറേഷന്‍ പ്രദേശങ്ങളില്‍ മഹാരാഷ്ട്ര സര്‍ക്കാര്‍ നൈറ്റ്‌ കര്‍ഫ്യൂ ഏര്‍പ്പെടുത്തിയിരുന്നു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
