തമിഴ്നാട്ടില് മലയാളി യുവാവിനെ ജനക്കൂട്ടം മര്ദ്ദിച്ച് കൊലപ്പെടുത്തി. തിരുവനന്തപുരം മലയിന്കീഴ് സ്വദേശി ദീപു (25) ആണ് മരിച്ചത്.
ദീപുവിനൊപ്പമുണ്ടായിരുന്ന സുഹൃത്ത് അരവിന്ദ് പരിക്കുകളോടെ ആശുപത്രിയില് ചികിത്സയിലാണ്.
തിരുച്ചിറപ്പള്ളിയിലെ അല്ലൂരാണ് സംഭവം. വീട് കുത്തിത്തുറന്ന് മോഷ്ടിക്കാന് ശ്രമിച്ചുവെന്നാരോപിച്ചാണ് ജനക്കൂട്ടം ഇരുവരെയും ആള്ക്കൂട്ട മര്ദ്ദനത്തിന് ഇരയാക്കിയത്.
ആക്രമണത്തില് പരിക്കേറ്റ ഇരുവരേയും പോലീസ് എത്തിയാണ് ആശുപത്രിയിലേക്ക് മാറ്റിയത്. മഹാത്മാ ഗാന്ധി മെമ്മോറിയല് ഗവണ്മെന്റ് ആസുപത്രിയില് എത്തിച്ചപ്പോഴേക്കും ദീപു മരണപ്പെട്ടിരുന്നു.
ഇവര് മോഷണം നടത്തിയോയെന്ന് പോലീസ് ഇതുവരെ സ്ഥിരീകരിച്ചിട്ടില്ല. സംഭവവുമായി ബന്ധപ്പെട്ട് ചിലരെ കസ്റ്റഡിയില് എടുത്തിട്ടുണ്ട്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here