വോഗിന്റെ പുതിയ ലക്കത്തിലെ മുഖ ചിത്രം നിയുക്ത അമേരിക്കന് വൈസ് പ്രസിഡന്റ് കമല ഹാരിസിൻ്റെ താണ്. ഈ മുഖ ചിത്രമാണ് വിവാദത്തിലായിരിക്കുന്നത്.
വോഗ് മാഗസിന്റെ പുതിയ ലക്കത്തില് കമല ഹാരിസിന്റെ അഭിമുഖം ഉള്പ്പെടുത്തിയിട്ടുണ്ട്. ഇതിന്റെ ഭാഗമായി തയ്യാറാക്കിയ വോഗ് പതിപ്പിലാണ് കമല ഹാരിസിന്റെ രണ്ട് ചിത്രങ്ങള് ഉള്പ്പെടുത്തിയിരിക്കുന്നത്.
കമല ഹാരിസിന്റെ ഫോട്ടോ വോഗ് വെളുപ്പിച്ചു എന്ന് കാണിച്ചാണ് ട്വിറ്റര് ഉപയോക്താക്കള് വോഗ് മാഗസിനെതിരെ രൂക്ഷ വിമര്ശനവുമായി രംഗത്തെത്തിയിരിക്കുന്നത്.
ചിത്രങ്ങള് വെളുപ്പിച്ചതിലുപരി ഒരു ഇന്ഫോര്മല് ബാക്ക് ഗ്രൗണ്ടില് ഫോട്ടോ സെറ്റ് ചെയ്തതതിനെതിരെയും വിമര്ശനങ്ങള് ഉയരുന്നുണ്ട്.
പ്രൊഫഷണലിസം ഒട്ടുമില്ലാതെയാണ് വോഗ് കമല ഹാരസിന്റെ ചിത്രം എടുത്തതെന്നും ഒരു സാധാരണ മൊബൈല് ക്യാമറയില് ഫോട്ടോ പകര്ത്തിയാല് പോലും ഇതിലും മികച്ച ചിത്രങ്ങള് ലഭിക്കുമെന്നും വിമര്ശകര് പറയുന്നു.
ഒന്നാമത്തെ ചിത്രത്തില് റോസ് നിറത്തിലുള്ള കര്ട്ടനാണ് ബാക്ക് ഗ്രൗണ്ടില് സെറ്റ് ചെയ്തിരിക്കുന്നത്. ഈ ചിത്രത്തിനെതിരെയാണ് കൂടുതല് വിമര്ശനങ്ങളും ഉയരുന്നത്.
പ്രശസ്ത ബ്ലാക്ക് ഫോട്ടോഗ്രാഫറായ ടെയിലര് മിച്ചെല്ലാണ് ഫോട്ടോയെടുത്തത്. കമല ഹാരിസിന്റെ ചിത്രത്തില് വോഗ് വീണ്ടും വെള്ളപൂശുകയാണെന്നും. ഇത് തികച്ചും ബഹുമാനമില്ലാത്ത രീതിയാണെന്നും ട്വിറ്ററില് ഒരു ഉപയോക്താവ് കുറിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here