ഫുട്ബാള്‍ ഇതിഹാസം മറഡോണയുടെ പ്രതിമ നിര്‍മ്മിക്കാനൊരുങ്ങി കണ്ണൂര്‍. 4 മാസം കൊണ്ട് പ്രതിമാസം നിര്‍മ്മാണം പൂര്‍ത്തിയാക്കി കണ്ണൂര്‍ ജവഹര്‍ സ്റ്റേഡിയത്തില്‍ പ്രതിമ സ്ഥാപിക്കുമെന്ന് മേയര്‍ അഡ്വ. ടി ഒ മോഹനന്‍ പറഞ്ഞു.
ഇന്ത്യയില്‍ തന്നെ മറോഡണ കാലുകുത്തിയ എക സ്റ്റേഡിയമായതിനാലാണ് സ്റ്റേഡിയത്തില്‍ തന്നെ പ്രതിമ ഒരുക്കാന്‍ തീരുമാനിച്ചതെന്ന് മേയര്‍ പറഞ്ഞു.
2012 ഒക്ടോബര്‍ 24ന് ആണ് മറഡോണ കണ്ണൂരിലെത്തിയത്. കണ്ണൂര്‍ ജവഹര്‍ സ്റ്റേഡിയത്തിലെത്തിയ മറഡോണ കാല്‍ പന്ത് തട്ടി ആരാധകരെ അഭിസംബോധന ചെയ്യുകയും ചെയ്തിരുന്നു.
ഈ സ്മരണക്കായാണ് കോര്‍പറേഷന്‍റെ നേതൃത്വത്തില്‍ ജവഹര്‍ സ്റ്റേഡിയത്തില്‍ സ്മാരകം ഒരുക്കുന്നത്.
കണ്ണൂരിലെത്തിയപ്പോള്‍ മറഡോണ താമസിച്ച ബ്ലൂ നൈല്‍ ഹോട്ടലിലെ മുറിയും അദ്ദേഹത്തിന്‍റെ സ്മരണക്കായി ‘മറഡോണ സ്യൂട്ട്’ സംരക്ഷിച്ചു വരികയാണ്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ താഴെ ലിങ്കില്‍ ക്ലിക്ക് ചെയ്യുക.
Click Here
