യുഡിഎഫ് ബാന്ധവത്തിനെതിരെ ജമാഅത്തെ ഇസ്ലാമിയിൽ ഭിന്നത പുകയുന്നു

യു ഡി എഫ് ബാന്ധവത്തിനെതിരെ ജമാഅത്തെ ഇസ്ലാമിയിൽ ഭിന്നത പുകയുന്നു. സി എ ജി ക്കെതിരായ നിയമസഭാ പ്രമേയത്തെ അനുമോദിച്ചും പ്രതിപക്ഷത്തെ വിമർശിച്ചും മാധ്യമത്തിൽ വന്ന മുഖപ്രസംഗമാണ് ഇപ്പോൾ ചർച്ചയാകുന്നത്.

നേതൃത്വത്തിൻ്റെ ഇടപെടലിനെ തുടർന്ന് ജമാഅത്തെ ഇസ്ലാമി മുഖവാരികയിൽ നിന്ന് കോൺഗ്രസിനെതിരായ ലേഖനം ഒഴിവാക്കിയതിന് പിന്നാലെ വന്ന നിലപാടാണ് ചർച്ചയാകുന്നത്.

തദ്ദേശ തെരഞ്ഞെടുപ്പിലെ യു ഡി എഫ് – ജമാഅത്തെ ഇസ്ലാമി ബാന്ധവം ചർച്ചയാകുന്നതിനിടെയാണ് പ്രതിപക്ഷത്തെ വിമർശിച്ച് ജമാഅത്തെ ഇസ്ലാമി മുഖപത്രമായ മാധ്യമം രംഗത്ത് വന്നത്.

സി എ ജി പ്രമേയവും ഫെഡറലിസത്തിൻ്റെ സംരക്ഷണവും എന്ന തലക്കെട്ടിൽ വന്ന മുഖപ്രസംഗം ജമാഅത്തെ ഇസ്ലാമിയിക്കുള്ളിലെ, യു ഡി എഫ് ബന്ധത്തിലെ ആശയഭിന്നത കൂടി പ്രകടമാകുന്നതാണ്.

സംസ്ഥാനങ്ങളെ ശ്വാസം മുട്ടിച്ച് കൊല്ലാൻ എന്തും ചെയ്യാൻ മടിക്കാത്ത ഒരു കേന്ദ്ര ഭരണകൂടം നിലനിൽക്കുന്ന, പശ്ചാത്തലത്തിൽ സി എ ജി ക്കെതിരായ നിയമസഭാ പ്രമേയം പ്രതിപക്ഷ പിന്തുണയോടെ പാസാക്കപ്പെടുകയായിരുന്നു വേണ്ടത് എന്ന് മാധ്യമം മുഖപ്രസംഗം പറയുന്നു.

പ്രതിപക്ഷത്തെ കുറേക്കാലമായി ശക്തമായ പിന്തുണച്ച മാധ്യമത്തിൻ്റെ നിലപാട് മാറ്റം ജമാഅത്തെ ഇസ്ലാമിയിൽ മൂർച്ഛിക്കുന്ന ഭിന്നതയുടെ തുടർച്ചയായി കാണാം.