‘അറിഞ്ഞു കൊണ്ട് തന്നെയാണ് റിഹാനയുടെ ലിപ്സ്റ്റിക് ഇട്ട് പോയതെന്ന്’ വിമര്‍ശകര്‍ക്ക് മറുപടി നല്‍കി കനി കുസൃതി

അയ്യേ ചുവപ്പ് ലിപ്സ്റ്റിക് ഇട്ടോ എന്ന് ചോദിക്കുന്നവരോട്, അറിഞ്ഞു കൊണ്ട് തന്നെയാണ് റിഹാനയുടെ ലിപ്സ്റ്റിക് ഇട്ട് പോയതെന്ന് കനി കുസൃതി
Step 2: Place this code wherever you want the plugin to appear on your page.

സംസ്ഥാന ചലച്ചിത്ര പുരസ്‌കാര വിതരണ ചടങ്ങില്‍ താന്‍ റെഡ് ലിപ്സ്റ്റിക്ക് ഇട്ട് പോവാനുണ്ടായ കാരണത്തെക്കുറിച്ച് പറഞ്ഞ് നടി കനി കുസൃതി. ലോക പ്രശസ്തയായ ഗായിക റിഹാനയുടെ ഫെന്റിബ്യൂട്ടീ എന്ന ബ്രാന്റിലെ യൂണിവേഴ്‌സല്‍ റെഡ് ലിപ്സ്റ്റിക്കാണ് താന്‍ ചടങ്ങിനായി ഇട്ടതെന്ന് കനി പറയുന്നു.

കറുത്ത നിറമുള്ള തൊലിയുള്ളവര്‍ക്ക് ചുവന്ന നിറത്തിലുള്ള ലിപ്സ്റ്റിക്ക് ഇണങ്ങില്ലെന്ന പറച്ചിലുകള്‍ക്കെതിരെയാണ് റിഹാനയുടെ ചുവന്ന ലിപ്സ്റ്റിക്ക് ഉണ്ടാക്കിയിട്ടുള്ളതെന്നും അതുകൊണ്ടാണ് ആ ലിപ്സ്റ്റിക്ക് തന്നെ താന്‍ തെരഞ്ഞെടുത്തതെന്നും കനി പറയുന്നു.

അയ്യേ ലിപ്സ്റ്റിക് ഇട്ടോ എന്ന മലയാളി ചോദ്യത്തിന് അറിഞ്ഞു കൊണ്ട് തന്നെ ആണ് ലോകപ്രശസ്തയായ റിഹാനയുടെ റെഡ് ലിപ്സ്റ്റിക് ഇട്ട് പോയത്. കനി പറഞ്ഞു.

ലൈഫ്‌സ്റ്റൈല്‍ മാഗസിന് നല്‍കിയ അഭിമുഖത്തില്‍ റാപ്പറായ റോക്കി വെളുത്ത തൊലിയുള്ളവര്‍ക്കാണ് ചുവന്ന ലിപ്സ്റ്റിക്ക് ചേരുന്നത് എന്ന് പറഞ്ഞതിനെക്കുറിച്ചും ആ പരാമര്‍ശം വിമര്‍ശം ഏറ്റുവാങ്ങിയതിനെക്കുറിച്ചും പോസ്റ്റില്‍ കനി പറയുന്നു.