ഒ​ന്ന്​ മു​ത​ൽ ഒ​മ്പ​ത്​ വ​രെ വി​ദ്യാ​ർ​ഥി​ക​ൾ​ക്ക് ഇത്തവണ ​ പരീക്ഷയില്ല

കോ​വി​ഡ്​ നിയന്ത്രണം മൂലം സ്​​കൂ​ളു​ക​ൾ അ​ട​ഞ്ഞു​കി​ട​ന്ന​തി​നാ​ൽ സം​സ്ഥാ​ന​ത്തെ സ്​​കൂ​ളു​ക​ളി​ൽ ഒ​ന്ന്​ മു​ത​ൽ ഒ​മ്പ​ത്​ വ​രെ ക്ലാ​സു​ക​ളി​ലെ വി​ദ്യാ​ർ​ഥി​ക​ൾ​ക്ക്​ ഇ​ത്ത​വ​ണ പ​രീ​ക്ഷ ഒ​ഴി​വാ​ക്കും. ഈ ​ക്ലാസുകളി​ലെ വി​ദ്യാ​ർ​ഥി​ക​ൾ​ക്ക്​ പൂ​ർ​ണ​മാ​യും ക്ലാ​സ്​ ക​യ​റ്റം നല്‍കാനാണ്​ ധാ​ര​ണ. ഇ​ക്കാ​ര്യ​ത്തി​ൽ പൊ​തു​വി​ദ്യാ​ഭ്യാ​സ വ​കു​പ്പ്​ വൈ​കാ​തെ ഔ​ദ്യോ​ഗി​ക തീ​രു​മാ​ന​മെ​ടു​ക്കും. പ​രീ​ക്ഷ​ക്ക്​ പ​ക​രം വിദ്യാര്‍ഥികളെ വി​ല​യി​രു​ത്താ​നു​ള്ള മാ​ർ​ഗ​ങ്ങ​ളും ആലോചിക്കുന്നുണ്ട്. ഒ​രു അ​ധ്യ​യ​ന​ദി​നം പോ​ലും സ്​​കൂ​ളി​ൽ ലഭിക്കാത്ത സാ​ഹ​ച​ര്യ​ത്തി​ലാ​ണ്​ സ​മ്പൂ​ർ​ണ പാ​സ്​ പരിഗണിക്കുന്നത്. പൊ​തു​പ​രീ​ക്ഷ​യാ​യി ന​ട​ത്തു​ന്ന ഒ​ന്നാം​വ​ർ​ഷ ഹയര്‍സെക്കന്‍ററി (പ്ല​സ്​ വ​ൺ) പ​രീ​ക്ഷ​യും ഈ ​വ​ർ​ഷം ന​ട​ക്കി​ല്ല.

പ​ക​രം അ​ടു​ത്ത അ​ധ്യ​യ​ന വ​ർ​ഷ ആ​രം​ഭ​ത്തി​ൽ സ്​​കൂ​ൾ തു​റ​ക്കാ​ൻ സാ​ധി​ക്കുമ്പോള്‍ പ്ല​സ്​ വ​ൺ പ​രീ​ക്ഷ ന​ട​ത്താ​നു​ള്ള സാ​ധ്യ​ത​യാ​ണ്​ സർ​ക്കാ​ർ ആ​രാ​യു​ന്ന​ത്. പ്ല​സ്​ വ​ൺ പ​രീ​ക്ഷ ഒ​ഴി​വാ​ക്കാന്‍ ആലോചിക്കുന്നുണ്ടെങ്കിലും​ സാങ്കേ​തി​ക കുരുക്കുകള്‍ വിലങ്ങ് തടിയാകാനാണ് സാധ്യത.

ഒ​ന്ന്​ മു​ത​ൽ എ​ട്ട്​ വ​രെ ക്ലാ​സു​ക​ളി​ലെ കു​ട്ടി​ക​ൾ​ക്ക്​ സ​മ്പൂ​ർ​ണ ക്ലാ​സ്​​ക​യ​റ്റം​ അ​നു​വ​ദി​ക്കു​മ്പോള്‍ ഒ​മ്പ​തി​ൽ​നി​ന്ന്​ പ​ത്തി​ലേ​ക്ക്​ വാ​ർ​ഷി​ക പ​രീ​ക്ഷ​യു​ടെ അ​ടി​സ്ഥാ​ന​ത്തി​ൽ ആണ് ക്ലാ​സ്​​ക​യ​റ്റ പ​ട്ടി​ക ത​യാ​റാ​ക്കു​ന്ന​ത്. വരുന്ന മാസങ്ങളില്‍ കോവിഡ് വ്യാപനം സംസ്ഥാനത്ത് രൂക്ഷമാകും എന്ന റിപ്പോര്‍ട്ടുകള്‍ കണക്കിലെടുത്താണ് പരീക്ഷകള്‍ ഒഴിവാക്കാന്‍ സര്‍ക്കാര്‍ തീരുമാനിക്കുന്നത്.