അന്തരിച്ച ബോളിവുഡ് നടന് സുശാന്ത് സിംഗിന്റെ ബന്ധു ഉൾപ്പടെ രണ്ട് പേര്ക്ക് വെടിയേറ്റു. ബിഹാറിലെ സഹസ്ര ജില്ലയില് ശനിയാഴ്ചയാണ് സംഭവം.
മധിപുര ജില്ലയിലേക്കുള്ള യാത്രയിലാണ് സുശാന്തിന്റെ ബന്ധു രാജ്കുമാര് സിംഗ്, സഹായി അലി ഹസന് എന്നിവരെ മൂന്നംഗ സംഘം ആക്രമിച്ചത്.
ഇരുവരും സഞ്ചരിച്ച വാഹനം സഹസ്ര കോളജിന് സമീപത്തെ ബൈജ്നാഥ്പുർ ചൗക്കില് എത്തിയപ്പോള് മൂന്നംഗ സംഘം വാഹനം തടഞ്ഞ് വെടിയുതിര്ക്കുകയായിരുന്നു. വെടിവയ്പ്പില് രാജ് കുമാര് സിംഗിന് ഗുരുതര പരിക്കേറ്റു. നാട്ടുകാരാണ് ഇവരെ ആശുപത്രിയിലേക്കു കൊണ്ടുപോയത്.
സംഭവത്തിന് ശേഷം സ്ഥലത്ത് നിന്നും കടന്നുകളഞ്ഞ അക്രമി സംഘത്തെക്കുറിച്ച് വിവരം ലഭിച്ചുവെന്നും ഇവരെ ഉടന് അറസ്റ്റ് ചെയ്യുമെന്നും സഹസ്ര എസ്പി ലിപി സിംഗ് പറഞ്ഞു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here