യാഷ് നായകനായ കെജിഎഫിൻ്റെ ആദ്യഭാഗത്തിൽ ഗരുഡ എന്ന വില്ലൻ കഥാപാത്രത്തിലൂടെയാണ് നടൻ രാമചന്ദ്ര രാജു ശ്രദ്ധേയനായത്.
തമിഴ് താരം അരുൺ വിജയ് നായകനാകുന്ന മുപ്പത്തിഒന്നാം ചിത്രം അടുത്തിടെയാണ് പൂർത്തിയാക്കിയത്. ചിത്രത്തിൻ്റെ ലൊക്കേഷൻ ചിത്രങ്ങൾ സൈബറിടത്തിൽ ഏറെ ശ്രദ്ധ നേടിയിരുന്നു. അതിനു ശേഷം രണ്ട് ചിത്രങ്ങളാണ് അരുണിൻ്റേതായി പ്രഖ്യാപിച്ചിരിക്കുന്നത്. അരുണിൻ്റെ മുപ്പത്തിമൂന്നാം ചിത്രത്തിൻ്റെ അണിയറ പ്രവർത്തകർ ഇപ്പോൾ പങ്കുവെച്ചിരിക്കുന്ന പുതിയ വിശേഷം ആരാധകർ വലിയ ആവേശത്തോടെ ഏറ്റെടുത്തിരിക്കുകയാണ് ഇപ്പോൾ.
അരുൺ വിജയ് നായകനാകുന്ന മുപ്പത്തിമൂന്നാം ചിത്രത്തിൽ കെജിഎഫ് താരം രാമചന്ദ്ര രാജു ഒരു പ്രധാന കഥാപാത്രത്തെ അവതരിപ്പിക്കുന്നുണ്ടെന്ന വിവരമാണ് അണിയറപ്രവർത്തകർ പുറത്ത് വിട്ടിരിക്കുന്ന പുതിയ വിവരം. ഹരിയാണ് ചിത്രം സംവിധാനം ചെയ്തിരിക്കുന്നത്. യാഷ് നായകനായ കെജിഎഫിൻ്റെ ആദ്യഭാഗത്തിൽ ഗരുഡ എന്ന കഥാപാത്രത്തിലൂടെ ശ്രദ്ധേയനായ നടനാണ് രാമചന്ദ്ര രാജു.
ഒരു റൂറൽ എൻ്റർടെയ്ൻമെൻ്റ് ചിത്രമായാണ് അരുണിൻ്റെ പുത്തൻ ചിത്രം ഒരുങ്ങുന്നത്. ഈ മാസത്തോടെ ചിത്രത്തിൻ്റെ ഷൂട്ടിങ് ആരംഭിക്കുമെന്നാണ് വിവരം. കഴിഞ്ഞ വർഷാവസാനമാണ് ചിത്രം സംവിധായകൻ ഹരി പ്രഖ്യാപിച്ചത്. അപ്പോൾ മുതൽ ഏറെ ആകാംക്ഷയോടെ സിനിമാ പ്രേമികൾ കാത്തിരിക്കുന്ന ചിത്രമാണ് ഇത്. നിരവധി സിനിമകളാണ് അരുണിൻ്റേതായി അണിയറയിൽ റിലീസിന് ഒരുങ്ങുന്ന ചിത്രങ്ങൾ.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here