സന്തോഷ് കീഴാറ്റൂര്‍,ആത്മീയ രാജന്‍ എന്നിവരെ പ്രധാന കഥാപാത്രങ്ങളാക്കി ദേശീയ പുരസ്കാര ജേതാക്കളായ ഷെറി, ടി. ദീപേഷ് എന്നിവര്‍ ചേര്‍ന്നു സംവിധാനം ചെയ്യുന്ന ‛അവനോവിലോന′ ചിത്രത്തിന്‍റെ ഫസ്റ്റ് ലുക്ക് പോസ്റ്റര്‍ നടൻ മോഹന്‍ലാല്‍ തന്‍റെ ഫേസ്ബുക്ക് പേജിലൂടെ പുറത്തിറക്കി.
<div class="fb-post" data-href="https://www.facebook.com/ActorMohanlal/posts/263677235125549" data-width="500" data-show-text="true"><blockquote cite="https://www.facebook.com/ActorMohanlal/posts/263677235125549" class="fb-xfbml-parse-ignore"><p>Best wishes Santhosh Keezhattoor for your first Production Venture</p>Posted by <a href="https://www.facebook.com/ActorMohanlal">Mohanlal</a> on <a href="https://www.facebook.com/ActorMohanlal/posts/263677235125549">Sunday, 31 January 2021</a></blockquote></div>
ട്രാന്‍സ്ജെന്‍ഡര്‍ സമൂഹത്തിന്‍റെ ജീവിത പശ്ചാത്തലം പറയുന്ന ഈ ചിത്രത്തില്‍ എഡ്ഡി എന്ന ട്രാന്‍സ്ജെന്‍ഡര്‍ കഥാപാത്രത്തെയാണ് സന്തോഷ് കീഴാറ്റൂര്‍ അവതരിപ്പിക്കുന്നത്. ട്രാന്‍സ്ജെന്‍ഡന്മാരുടെ കുലദേവതയാണ് ഗ്രീക്ക് ദേവതയായ ‛അവനോവിലോന′. ‛ആദിമധ്യാന്തം′ എന്ന ചിത്രത്തിലൂടെ ദേശീയ അവാര്‍ഡ് നേടിയ ഷെറിയും ‛ടെെപ്പ് റെറ്റര്‍′എന്ന ചിത്രത്തിലൂടെ ദേശീയ അവാര്‍ഡ് നേടിയ ടി. ദീപേഷും ഒന്നിക്കുന്ന സിനിമയാണിത്.
കെ.സി. കൃഷ്ണന്‍, റിയാസ്, കെ.എം.ആര്‍, കോക്കാട് നാരായണന്‍, മിനി രാധന്‍, ഒ. മോഹനന്‍, എ.വി. സരസ്വതി തുടങ്ങിയവര്‍ക്കൊപ്പം കണ്ണൂരിലെ ഇരുപതോളം ട്രാന്‍സ്ജെന്‍ഡര്‍ന്മാരും ഈ ചിത്രത്തില്‍ അഭിനയിക്കുന്നു. സന്തോഷ് കീഴാറ്റൂര്‍ പ്രൊഡക്ഷന്‍സ്,നിവ് പ്രൊഡക്ഷന്‍സ് എന്നിവയുടെ ബാനറില്‍ സന്തോഷ് കീഴാറ്റൂര്‍, ശ്രീമ അനില്‍ എന്നിവര്‍ ചേര്‍ന്നു നിര്‍മ്മിക്കുന്ന ഈ ചിത്രത്തിന്‍റെ ഛായാഗ്രഹണം ജലീല്‍ ബാദുഷ ആണ്.
തിരക്കഥ, സംഭാഷണം- ഷെറി, പ്രൊജക്റ്റ് ഡിസെെനര്‍-ഡിക്സണ്‍ പൊടുത്താസ്, എഡിറ്റര്‍-അഖിലേഷ് മോഹന്‍, പശ്ചാത്തല സംഗീതം-ഗോപീ സുന്ദര്‍, കല-സുനീഷ് വടക്കുമ്പാടന്‍, മേക്കപ്പ്-മണികണ്ഠന്‍ ചുങ്കത്തറ, വസ്ത്രാലങ്കാരം-റിയ ഇഷ, സ്റ്റില്‍സ്-ലിജിന്‍ രവി, പരസ്യകല-ലൈനോജ്‌ റെഡ് ഡിസൈന്‍, അസോസിയേറ്റ് ഡയറക്ടര്‍-പ്രതാപന്‍ പടിയില്‍, അസിസ്റ്റന്‍റ് ഡയറക്ടര്‍-വര്‍ഷ ജിത്തു, പ്രൊഡക്ഷന്‍ എക്സിക്യൂട്ടീവ്-അനീഷ് നമ്പ്യാര്‍, വാര്‍ത്ത പ്രചരണം-എ.എസ്. ദിനേശ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
