സംസ്ഥാനത്തെ മുന്ഗണനേതര വിഭാഗം റേഷന് കാര്ഡുകാര്ക്ക് 2021 മാര്ച്ച്, ഏപ്രില് മാസങ്ങളില് 10 കിലോഗ്രാം വീതം അരി കിലോഗ്രാമിന് 15 രൂപ നിരക്കില് വിതരണം ചെയ്യാന് തീരുമാനിച്ചു.
സംസ്ഥാന പിന്നോക്ക വിഭാഗ കമ്മീഷന് സമര്പ്പിച്ച ശുപാര്ശ അംഗീകരിച്ച് ക്രിസ്ത്യന് മതവിഭാഗത്തില് എസ്ഐയുസി ഒഴികെയുള്ള നാടാര് സമുദായങ്ങള്ക്ക് ഒബിസി സംവരണം നല്കാന് മന്ത്രിസഭായോഗം തീരുമാനിച്ചു. നിലവില് നാടാര് സമുദായത്തില്പ്പെട്ട ഹിന്ദു, എസ്ഐയുസി-ക്രിസ്ത്യന് വിഭാഗങ്ങള്ക്കുള്ള സംവരണത്തെ ബാധിക്കാതെയാണ് ഇത് നടപ്പാക്കുക.
പിഎസ്സി റാങ്ക് ലിസ്റ്റുകളുടെ കാലാവധി ആറുമാസത്തേക്ക് നീട്ടാന് പിഎസ്സിയോട് ശുപാര്ശ ചെയ്യാന് മന്ത്രിസഭാ യോഗം തീരുമാനിച്ചു. 2021 ഫെബ്രുവരി 3-നും 2021 ആഗസ്റ്റ് 2-നും ഇടയ്ക്ക് അവസാനിക്കുന്ന എല്ലാ റാങ്ക് ലിസ്റ്റുകളുടെയും കാലാവധി 2021 ആഗസ്റ്റ് 3 വരെ ദീര്ഘിപ്പിക്കാനാണ് ശുപാര്ശ.
കോവിഡ് വ്യാപനം കാരണം പിഎസ്സി പരീക്ഷകള് നടത്തുന്നതിലെ സമയക്രമത്തില് വ്യത്യാസം വന്നിട്ടുണ്ട്. റാങ്ക് ലിസ്റ്റ് പ്രസിദ്ധീകരിക്കുന്നതിന് കൂടുതല് സമയമെടുക്കുന്ന സ്ഥിതിയും വന്നു. സമീപകാലത്ത് സൃഷ്ടിച്ച തസ്തികകളിലേക്ക് പി.എസ്.സി വഴി നിയമനം നടത്തുന്നതിനുള്ള കാലതാമസം കൂടി പരിഗണിച്ചാണ് കാലാവധി നീട്ടുന്ന കാര്യം സര്ക്കാര് പരിശോധിച്ചത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here