“മക്കളോടൊപ്പം എന്ന് എന്നൊരു മുഖവുര ഇല്ലായിരുന്നെങ്കിൽ സഹോദരിമാരെന്നു കരുതിയേനേം” സുന്ദര ചിത്രം വൈറൽ!

മിമിക്രി വേദികളിലൂടെയെത്തി മലയാള സിനിമയിലെ ശ്രദ്ധേയനായ നടനും സംവിധാകനും ഗായകനും ഗാനരചയിതാവും ടിവി അവതാരകനുമൊക്കയായി തിളങ്ങുന്ന താരമാണ് നാദിർഷ.

നാദിർഷയ്ക്ക് രണ്ട് പെൺമക്കളാണുള്ളത്. അടുത്തിടെയായിരുന്നു മൂത്ത മകൾ അയിഷയുടെ വിവാഹനിശ്ചയച്ചടങ്ങ്.  സോഷ്യൽ മീഡിയയിൽ ഏറെ സജീവമായ നാദിർഷ പങ്കുവെച്ച പുതിയ ചിത്രമാണ് ഏറെ ശ്രദ്ധ നേടുന്നത്.

രണ്ട് മക്കൾക്കുമൊപ്പം നിൽക്കുന്ന ക്യൂട്ട് ചിത്രമാണ് നാദിർഷ പങ്കുവെച്ചിരിക്കുന്നത്. ഇടവും വലവുമായി നിൽക്കുന്ന രണ്ട് പെൺമക്കൾക്കൊപ്പം നാദിർഷ പങ്കുവെച്ച പുത്തൻ ചിത്രം ആരാധകർ ഏറ്റെടുത്തിരിക്കുകയാണ്. നാദിർഷയുടെ സൌന്ദര്യത്തെ വാഴ്ത്തിക്കൊണ്ടും അതീവസന്തുഷ്ടനായ അച്ഛനായി കഴിയാനായതിലെ സന്തോഷവുമൊക്കെയാണ് ആരാധകർ കമൻ്റുകളിലൂടെ ചൂണ്ടിക്കാട്ടുന്നത്.

ആരാധകർക്കൊപ്പം സിനിമാ താരങ്ങളും സംവിധായകരും അണിയറപ്രവർത്തകരുമൊക്കെ കമൻ്റുകളുമായി എത്തിക്കഴിഞ്ഞു. സംവിധായകരായ അരുൺ ഗോപി, അജയ് വാസുദേവ് നടൻ രമേശ് പിഷാരടി തുടങ്ങിയവരുടെ കമൻ്റുകളൊക്കെയാണ് ഏറെ ശ്രദ്ധേയം. ഈ വാപ്പച്ചി ഇപ്പഴും ചുള്ളൻ തന്നെയാണെന്ന് ആരാധകർ കുറിച്ചിരിക്കുന്നു. ചിലർ രണ്ട് പെൺമക്കളുടെ വാപ്പിച്ചിയ്ക്ക് ആശംസകളും നേരുന്നുണ്ട്.

‘സുന്ദരികളും സ്നേഹമയികളുമായ മക്കൾ… ഭാഗ്യവാനായ അച്ഛന്റെ അമൂല്യ സമ്പാദ്യം’ എന്നാണ് ഒരു ആരാധകൻ്റെ കമൻ്റ്. വിവാഹിതയാകാൻ തയ്യാറെടുക്കുന്ന താരപുത്രിയ്ക്ക് ആശംസകൾ നേരാനും ചിലർ മറക്കുന്നില്ല. നാദിർഷ ഇരുവരുടെയും സഹോദരനെ പോലെയാണ് തോന്നിക്കുന്നതെന്നും വിവാഹത്തിന് വരനെ അണിയിച്ചൊരുക്കുന്ന പെങ്ങന്മാരെ പോലെയാണ് ചിത്രം കണ്ടപ്പോൾ തോന്നിയതെന്നുമൊക്കെയാണ് ചില കമൻ്റുകൾ.

‘മക്കളോടൊപ്പം എന്ന് എന്നൊരു മുഖവുര ഇല്ലായിരുന്നെങ്കിൽ സഹോദരിമാരെന്നു കരുത്തിയേനെ’ എന്നും ‘സന്തോഷത്തോടെ ഇനിയും ആയിരം നാൾ കഴിയാനാകട്ടെ’ എന്നും ‘ഈ ഫോട്ടോ ഏറെ സന്തോഷം നൽകി.’ എന്നും ചിലർ കമൻ്റ് ബോക്സുകളിൽ കുറിച്ചിരിക്കുന്നു. ‘മക്കളോടൊപ്പം’ എന്ന് കുറിച്ചുകൊണ്ടാണ് നാദിർഷ ചിത്രം പങ്കുവെച്ചിരിക്കുന്നത്. മകൾ ആയിഷയുടെ വിവാഹ ഒരുക്കങ്ങളിലാണ് നാദിർഷ ഇപ്പോൾ. ബിലാലാണ് വരൻ. വിവാഹനിശ്ചയ ചടങ്ങിൻ്റെ ചിത്രങ്ങളും വീഡിയോകളും വൈറലായിരുന്നു.