മലപ്പുറം പൊന്നാനി മാറഞ്ചേരി സ്കൂളില് വിദ്യാര്ഥികളും അധ്യാപകരുമായി 156 പേര്ക്ക് കൂടി കോവിഡ് സ്ഥിരീകരിച്ചു. മലപ്പുറത്തെ മാറഞ്ചേരി, വന്നേരി സര്ക്കാര് സ്കൂളുകളില് 262 പേര്ക്ക് ഞായറാഴ്ച കോവിഡ് ബാധ സ്ഥിരീകരിച്ചിരുന്നു.
ഇതോടെ സ്കൂളുകളില് കോവിഡ് സ്ഥിരീകരിച്ചവരുടെ എണ്ണം 418 ആയി.
മാറഞ്ചേരി സ്കൂളില് 148 കുട്ടികള്ക്കും 39 അധ്യാപകര്ക്കുമായിരുന്നു കഴിഞ്ഞദിവസം രോഗബാധ സ്ഥിരീകരിച്ചത്. ഇതേ സ്കൂളില് ഒരു പത്താം ക്ലാസ് വിദ്യാര്ഥിക്ക് കോവിഡ് രോഗബാധ സ്ഥിരീകരിച്ചിരുന്നു. ഇതേ തുടര്ന്ന് സ്കൂളില് നടത്തിയ പരിശോധനയിലാണ് വ്യാപകമായ രോഗബാധ സ്ഥിരീകരിച്ചത്.
ആകെയുള്ള 582 കുട്ടികളില് 148 കുട്ടികള്ക്കും രോഗബാധ സ്ഥിരീകരിച്ചരുന്നു. ആകെയുള്ള 50 അധ്യാപക- അനധ്യാപക ജീവനക്കാരില് 39 പേര്ക്കും കഴിഞ്ഞ ദിവസം രോഗബാധയുണ്ടായി.
എസ്എസ്എല്സി, പ്ലസ്ടു പരീക്ഷകളുടെ തയ്യാറെടുപ്പിനിടെ അധ്യാപകര്ക്കും വിദ്യാര്ഥികള്ക്കും കൂട്ടത്തോടെ രോഗബാധയുണ്ടായത് എല്ലാവരേയും ഞെട്ടിച്ചിട്ടുണ്ട്. കുട്ടികള്ക്ക് കൗണ്സിലിംഗ് നല്കാനും പ്രതിരോധ മരുന്നുകള് വിതരണം ചെയ്യാനും ആരംഭിച്ചിട്ടുണ്ട്. മുന് കരുതല് നടപടികള് സ്വീകരിച്ചതായി ആരോഗ്യ വകുപ്പ് അധികൃതര് അറിയിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here