ഋതുമതിയായ മുസ്ലീം പെൺകുട്ടിക്ക് ഇഷ്ടമുള്ള വ്യക്തിയെ വിവാഹം ചെയ്യാനുള്ള സ്വാതന്ത്ര്യമുണ്ടെന്ന് പഞ്ചാബ്- ഹരിയാന ഹൈക്കോടതി.
പ്രായം 18 ൽ താഴെയാണെങ്കിലും ഋതുമതിയായ മുസ്ലീം പെൺകുട്ടിക്ക് മുസ്ലിം വ്യക്തിനിയമമനുസരിച്ച് ഇഷ്ടമുള്ള വ്യക്തിയെ വിവാഹം ചെയ്യാമെന്നാണ് ഹൈക്കോടതി വ്യക്തമാക്കി.
മുസ്ലിം വിവാഹവുമായി ബന്ധപ്പെട്ട നിരവധി ഗ്രന്ഥങ്ങളും വിവിധ കോടതി വിധികളും പരിശോധിച്ചാണ് ഹൈക്കോടതി നിര്ദ്ദേശം. സര് ദിന്ഷാ ഫര്ദുന്ജി മുല്ലയുടെ മുഹമ്മദീയന് നിയമതത്വങ്ങള് എന്ന പുസ്തകത്തിലെ 195-ാം വകുപ്പ് പരാമര്ശിച്ചാണ് കോടതിയുടെ നിരീക്ഷണം.
2021 ജനുവരി 21 ന് മുസ്ലിം ആചാരപ്രകാരം വിവാഹിതരായ 36 കാരനും 17 വയസ്സുള്ള പെണ്കുട്ടിയും സമര്പ്പിച്ച ഹരജി പരിഗണിക്കവെയാണ് കോടതിയുടെ ഈ വിധി.
ബന്ധുക്കള് ഇരുവരുടെയും വിവാഹത്തെ എതിര്ത്തിരുന്നു. തുടര്ന്ന് ബന്ധുക്കളുടെ എതിര്പ്പില് നിന്ന് തങ്ങളുടെ ജീവനും സ്വത്തിനും സംരക്ഷണം ആവശ്യപ്പെട്ടാണ് ദമ്പതിമാര് കോടതിയെ സമീപിച്ചത്. പെണ്കുട്ടിയ്ക്ക് പ്രായപൂര്ത്തിയായില്ലെന്നാരോപിച്ച് ഇരുവരുടെയും ബന്ധുക്കളും പരാതിയുമായി രംഗത്തെത്തിയിരുന്നു.
പെണ്കുട്ടിയുടെ വിവാഹത്തിനുള്ള സ്വാതന്ത്ര്യം മുസ്ലിം വ്യക്തിനിയമപരിധിയില് പെടുന്നതാണെന്നും കുടുംബാംഗങ്ങള്ക്ക് വിവാഹത്തില് ഇടപെടേണ്ട ആവശ്യമില്ലെന്നും കോടതി വ്യക്തമാക്കി.
സ്ഥിരബുദ്ധിയില്ലാത്തവര്, പ്രായപൂര്ത്തിയാകാത്തവര് എന്നിവരുടെ വിവാഹക്കരാറുമായി ബന്ധപ്പെട്ട തര്ക്കങ്ങളിലേര്പ്പെടാന് രക്ഷിതാക്കള്ക്ക് അവകാശമുണ്ട്. മാനസികനില സ്ഥിരമായവരുടെയും പ്രായപൂര്ത്തിയായതുമായവരുടെ പൂര്ണസമ്മതമില്ലാതെ നടക്കുന്ന വിവാഹത്തിന് നിയമസാധുത ഉണ്ടായിരിക്കില്ലെന്നാണ് 195-ാം വകുപ്പില് പറയുന്നത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here