ബ്രഹ്മാണ്ഡ ചിത്രങ്ങളുടെ സംവിധായകൻ ഷങ്കർ ഒരുക്കുന്ന പുതിയ ചിത്രത്തിൽ തെലുങ്കിലെ യുവ സൂപ്പർ താരം രാം ചരൺ തേജ നായകനാകുന്നു. ദിൽ രാജുവാണ് ഈ ചിത്രം നിർമ്മിക്കുന്നത്. കമലഹാസനെ നായകനാക്കി ഷങ്കർ സംവിധാനം ചെയ്യുന്ന ഇന്ത്യൻ - 2 തെലുങ്കിൽ ഭാരതീയഡു എന്ന പേരിൽ അവതരിപ്പിക്കുന്നതും ദിൽരാജുവാണ്.
കമലഹാസന്റെ രാഷ്ട്രീയ പ്രവേശവും മറ്റും കാരണം ഇന്ത്യൻ - 2ന്റെ ചിത്രീകരണം നിറുത്തിവച്ചിരിക്കുകയാണ്. ലൈക്കാ പ്രൊഡക്ഷൻസാണ് ചിത്രം നിർമ്മിക്കുന്നത്. ഇന്ത്യൻ - 2 അനിശ്ചിതമായി നീളുന്നതിനാലാണ് ദിൽരാജു മറ്റൊരു ചിത്രം ചെയ്യാൻ ഷങ്കറിനെ പ്രേരിപ്പിച്ചത്. ചിത്രത്തിന്റെ ഔദ്യോഗിക പ്രഖ്യാപനം ഉടനുണ്ടാവും.
ഷങ്കറുമായുള്ള ചർച്ചകൾക്കായി ദിൽരാജു ഇപ്പോൾ ചെന്നൈയിലുണ്ട്. രാജമൗലിയുടെ ആർ.ആർ.ആർ പൂർത്തിയാക്കിയ രാം ചരൺ തേജ അച്ഛൻ ചിരഞ്ജീവിയോടൊപ്പം ആചാര്യ എന്ന ചിത്രത്തിലുമഭിനയിക്കുന്നുണ്ട്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here