മാണി സി കാപ്പന് യുഡിഎഫിലേക്ക് പോയതിന് പിന്നാലെ കഥാരൂപത്തില് കാപ്പന് മുന്നറിയിപ്പ് നല്കി സിപിഐഎം ജില്ലാ സെക്രട്ടറി വിഎന് വാസവന്. അപകടമറിയാതെ കയത്തിലേക്ക് ചാടിയ താറാവിന് കുഞ്ഞിന്റെ കഥ തന്റെ ഫേസ് ബുക്കിലെഴുതിയാണ് വാസവന്റെ വിമര്ശനം. താറാവിന് കുഞ്ഞിനൊരു മുന്നറിയിപ്പ് എന്ന തലക്കെട്ടോടെയാണ് വാസവന് വിമര്ശനം രേഖപ്പെടുത്തിയത്.
മാണി സി കാപ്പന് എല്ഡിഎഫ് വിട്ടു പോയതിനു തൊട്ടുപിന്നാലെയാണ് കാപ്പന്റെ പരോക്ഷ വിമര്ശനം. കാപ്പനോടുള്ള വിമര്ശനവും പരിഹാസവും ചെറുകഥാ രൂപത്തിലാണ് വാസവന് അവതരിപ്പിച്ചത്.
കോഴിക്കുഞ്ഞുങ്ങള്ക്കൊപ്പം അമ്മക്കോഴി അടവയ്ച്ചു വിരിയിച്ച ഒരു താറാവിന് കുഞ്ഞിനെപ്പറ്റിയാണ് കഥ. ഭക്ഷണം കഴിക്കാന് വരെ പിന്നിലായിരുന്ന താറാവിന് കുഞ്ഞിനെ തള്ളക്കോഴി കരുതലോടെയാണ് വളര്ത്തിയത്.
വാഴതോപ്പിലും ചീരച്ചുവട്ടിലും കൊണ്ടുപോയി ചികഞ്ഞ് കൊത്തിയെടുത്ത് ഭക്ഷണവും വെള്ളവും കൊടുത്ത് വളര്ത്തി. എന്നാല് ഒരിക്കല് തീറ്റ തേടി ഇറങ്ങിയ അമ്മക്കോഴിയും കുഞ്ഞുങ്ങളും കാണുന്നത് കുഞ്ഞ് താറാവ് മീനച്ചിലാറ്റിലെ കയത്തിലേക്ക് ചാടി നീന്തുന്നതാണ്.
നീര്നായും, നീര്ക്കോലിയും ചീങ്കണ്ണിയുമെല്ലാമുള്ള കയമാണെന്ന് അമ്മക്കോഴി വിലക്കിയിട്ടും വീണ്ടും നീന്താന് പരിശ്രമിക്കുന്ന താറാവിന് കുഞ്ഞിനെ ഉദാഹരിച്ചുകൊണ്ടാണ് കഥ, വിമര്ശനം കൃത്യമാക്കുന്നത്.
വി എന് വാസവന്റെ ഫേസ്ബുക്ക് കുറിപ്പിന്റെ പൂര്ണ്ണരൂപം
നര്മ്മവും പരിഹാസവും വിമര്ശനവും ലളിതമായ അവതരണവും കൊണ്ട് വിഎന് വാസവന്റെ കുറിപ്പ് ഇതിനോടകം നവമാധ്യമങ്ങളില് വലിയ ശ്രദ്ധനേടിക്കഴിഞ്ഞു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here