ജോക്കോവിച്ചും അലക്സാണ്ടര് സ്വെരേവും ഓസ്ട്രേലിയന് ഓപ്പണ് ക്വാര്ട്ടറില് വനിതാ സിംഗിള്സില് സെറീന വില്യംസും സിമോണ ഹാലപ്പു ഏറ്റുമുട്ടും.പുരുഷ സിംഗിള്സില് ഡൊമനിക് തീമിനെ അട്ടിമറിച്ച് ദിമിത്രോവ് ക്വാര്ട്ടറില്
ഓസ്ട്രേലിയന് ഓപ്പണ് പ്രീക്വാര്ട്ടറില് വമ്പന്മാര്ക്ക് ജയവും തോല്വിയും. ലോക ഒന്നാം നമ്പര് പുരുഷ താരം നൊവാക് ജോക്കോവിച്ച് ജയത്തോടെ ക്വാര്ട്ടര് ഉറപ്പിച്ചപ്പോള് കിരീട പ്രതീക്ഷയുമായെത്തിയ ഡൊമനിക് തീം തോല്വി വഴങ്ങി. വനിതാ വിഭാഗം ക്വാര്ട്ടറില് സൂപ്പര് പോരാട്ടത്തിനാണ് കളമൊരുങ്ങിയത്. സെറീന വില്യംസും സിമോണ ഹാലപ്പുമാണ് ഏറ്റുമുട്ടുക.
പതിനാലാം സീഡ് മിലോസ് റവോണിക്കിനെ നാലു സെറ്റു നീണ്ട പോരാട്ടത്തിനൊടുവിലാണ് ജോക്കോവിച്ച് തോല്പ്പിച്ചത്. സ്കോര് 7-6, 4-6, 6-1, 6-4. രണ്ടാം സെറ്റ് കൈവിട്ടതൊഴിച്ചാല് തീര്ത്തും ഏകപക്ഷീയമായ കളി കാഴ്ചവെക്കാന് ജോക്കോവിച്ചിന് കഴിഞ്ഞു. അതേസമയം, ഗ്രിഗോര് ദിമിത്രേവിനെതിരെ പൊരുതാതെയാണ് തീം കീഴടങ്ങിയത്. സ്കോര് 6-4, 6-4, 6-0.
അലക്സാണ്ടര് സെവരേവ് ആണ് ക്വാര്ട്ടറിലെത്തിയ മറ്റൊരു താരം. ല്യോവിച്ചിനെ 6-4, 7-6, 6-3 എന്ന സ്കോറിന് സ്വെരേവ് കീഴ്പ്പെടുത്തി. സീഡ് ചെയ്യപ്പെടാത്ത അസ്ലാന് കരാസ്തേവും ക്വാര്ട്ടറിലെത്തിയിട്ടുണ്ട്. ഔഗര് എലിയാസമിയെ കരാസ്തേവ് പരാജയപ്പെടുത്തി. സ്കോര് 3-6, 1-6, 6-3, 6-3, 6-4. ക്വാര്ട്ടറില് അലക്സാണ്ടര് സ്വെരേവ് ആണ് ജോക്കോവിച്ചിന്റെ എതിരാളി. ദിമിത്രോവ് കരാസ്തോവിനേയും എതിരിടും.
വനിതാ വിഭാഗത്തില് സെറീന വില്യംസ് ആര്യന സബലെങ്കയെ പരാജയപ്പെടുത്തി. സ്കോര് 6-4, 2-6, 6-4. സിമോണ ഹാലപ് ഇഗ സ്വിയാറ്റെക്കിനേയാണ് കീഴ്പ്പെടുത്തിയത്. സ്കോര് 3-6, 6-1, 6-4. സെറീനയും സിമോണ ഹാലപ്പും ക്വാര്ട്ടറില് നേര്ക്കുനേര് ഏറ്റുമുട്ടും. മര്ക്കെറ്റ വോണ്ട്രുസോവയെ കീഴ്പ്പെടുത്തിയ സു വെയിയും ക്വാര്ട്ടറിലെത്തിയിട്ടുണ്ട്. ഒസാക്കയാണ് സു വെയിയുടെ ക്വാര്ട്ടറിലെ എതിരാളി
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here