കൈപ്പുണ്യമുളള കൈയാണ് നിനക്ക് കൈ തന്നിരിക്കുന്നത്, തുടക്കം പൊന്നാകട്ടെ! ദി പ്രീസ്റ്റിന് ആശംസകളുമായി ലാല്‍ ജോസ്

മമ്മൂക്ക നായകനാകുന്ന ദി പ്രീസ്റ്റിന് ആശംസകള്‍ നേര്‍ന്ന് സംവിധായകന്‍ ലാല്‍ജോസ്. ഫെയ്‌സ്ബുക്ക് കുറിപ്പിലൂടെയാണ് ലാല്‍ ജോസ് സിനിമയ്ക്ക് ആശംസകള്‍ നേര്‍ന്നത്.

ഗുരുത്വ ചിന്തയോടെ ഇക്കുറി മമ്മൂക്ക അവതരിപ്പിക്കുന്ന നവാഗത സംവിധായകന്‍ ജോഫിന്‍ ടി. ചാക്കോക്ക് എല്ലാ വിജയാശംസകളും നേരുന്നുവെന്നും അദ്ദേഹം കുറിച്ചു.

പ്രിയ ജോഫിന്‍, ഏറെ കൈപ്പുണ്യമുളള കയ്യാണ് നിനക്ക് കൈ തന്നിരിക്കുന്നത്. തുടക്കം പൊന്നാകട്ടെയെന്നും അദ്ദേഹം എഴുതി.

മുപ്പത്തിയൊന്ന് വയസ്സുളള ചെറുപ്പക്കാരന്റെ സിനിമാ സ്വപ്നത്തിനൊപ്പം നിൽക്കാൻ മമ്മൂട്ടിയെന്ന മഹാനടൻ തീരുമാനിച്ചയിടത്താണ് എന്റെ ജീവിതത്തിന്റെ റൂട്ട് മാറുന്നത്.

എന്നെപോലെ സിനിമയുടെ വലിയ കോട്ടവാതിലുകൾക്കപ്പുറത്ത് പകച്ച് നിന്നിരുന്ന എത്രയോ നവാഗത സംവിധായകർ ആ ബലിഷ്ഠമായ കൈപിടിച്ച് ഇപ്പുറം കടന്നിരിക്കുന്നു.

ഇരുപത്തിനാല് കൊല്ലം മുമ്പ് ഒരു ഡിസംബർ മാസത്തിൽ മറവത്തൂർ കനവിലെ ചാണ്ടിയോട് മൈക്കിലൂടെ ആക്ഷൻ പറഞ്ഞപ്പോൾ കൺമുമ്പിൽ മഹാനടൻ ഞങ്ങളുടെ കഥാപാത്രമായി മാറുമ്പോൾ ഉളളിൽ മുഴങ്ങിയ പ്രാർത്ഥനകൾ.

അതേ ഗുരുത്വ ചിന്തയോടെ ഇക്കുറി മമ്മൂക്ക അവതരിപ്പിക്കുന്ന നവാഗത സംവിധായകൻ ജോഫിൻ ടി. ചാക്കോക്ക് എല്ലാ വിജയാശംസകളും നേരുന്നു. 🙏
പ്രിയ ജോഫിൻ, ഏറെ കൈപ്പുണ്യമുളള കയ്യാണ് നിനക്ക് കൈ തന്നിരിക്കുന്നത്. തുടക്കം പൊന്നാകട്ടെ!!!
ഇതാ “ദി പ്രീസ്റ്റിന്റെ” പോസ്റ്റർ ❤️