കോവിഡ് മരുന്നെന്ന പേരില് ബാബ രാംദേവിന്റെ പതഞ്ജലി ആയുര്വേദ പുറത്തിറക്കിയ ‘കൊറോണില്’
മരുന്നിന് അംഗീകാരമില്ല.
ലോകാരോഗ്യ സംഘടനയാണ് ഇക്കാര്യം വ്യക്തമാക്കിയിരിക്കുന്നത്. കോവിഡ് ചികിത്സക്കായി ഏതെങ്കിലും പരമ്പരാഗത മരുന്നിന്റെ ഫലപ്രാപ്തി അവലോകനം ചെയ്യുകയോ സാക്ഷ്യപ്പെടുത്തുകയോ ചെയ്തിട്ടില്ലെന്നാണ് ലോകാരോഗ്യ സംഘടന വ്യക്തമാക്കിയിരിക്കുന്നത്.
ലോകാരോഗ്യ സംഘടന സൗത്ത് ഈസ്റ്റ് ഏഷ്യയുടെ ഔദ്യോഗിക ട്വിറ്റര് പേജിലൂടെയാണ് ഇക്കാര്യം വ്യക്തമാക്കിയത്.
.@WHO has not reviewed or certified the effectiveness of any traditional medicine for the treatment #COVID19.
— WHO South-East Asia (@WHOSEARO) February 19, 2021
ആഗോള മാനദണ്ഡങ്ങള് അടിസ്ഥാനമാക്കി നിര്മിച്ചെടുത്തതാണ് കൊറോണില് എന്നും മരുന്നിന്റെ ഗവേഷണം മുഴുവന് പൂര്ത്തിയാക്കിയതാണെന്നും ലോകാരോഗ്യ സംഘടനയുടെ സര്ട്ടിഫിക്കേഷന് പദ്ധതിപ്രകാരം ആയുര് മന്ത്രാലയം അംഗീകാരം നല്കിയെന്നുമായിരുന്നു ബാബ രാംദേവിന്റെ അവകാശ വാദം.
കൊറോണില് ഫലപ്രദമാണെന്ന് അവകാശപ്പെടുന്ന ശാസ്ത്രീയ തെളിവുകള് കെെവശമുണ്ട് എന്ന് അവകാശപ്പെട്ട് കഴിഞ്ഞദിവസം ബാബ രാംദേവ് രംഗത്തെത്തിയിരുന്നു. കേന്ദ്ര ആരോഗ്യമന്ത്രി ഹര്ഷ വര്ധന്, ഗതാഗതമന്ത്രി നിതിന് ഗഡ്കരി എന്നിവരുടെ സാന്നിധ്യത്തിലായിരുന്നു രാംദേവിന്റെ അവകാശ വാദം.
‘കൊറോണില് ‘കോവിഡിന് ഫലപ്രദമാണെന്ന് ശാസ്ത്രീയ തെളിവുകളുണ്ടെന്നും ലോകാരോഗ്യ സംഘടനയുടെ മാനദണ്ഡങ്ങള് പാലിച്ചാണ് മരുന്ന് വികസിപ്പിച്ചെടുത്തതെന്നും ബാബ രാംദേവ് അവകാശപ്പെട്ടത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here