നടൻ മോഹൻലാൽ ആദ്യമായി സംവിധാനം ചെയ്യുന്ന ‛ബറോസിന്റെ′ സെറ്റ് വർക്ക് കൊച്ചിയിൽ ആരംഭിച്ചു. ആശിർവാദ് സിനിമാസാണ് ഇക്കാര്യം ഫേസ്ബുക്കിലൂടെ അറിയിച്ചത്. പൂജയുടെ ചിത്രങ്ങളും സോഷ്യൽ മീഡിയയിൽ പങ്കുവച്ചിട്ടുണ്ട്.മോഹൻലാൽ ആദ്യമായി സംവിധായക വേഷമണിയുന്ന ചിത്രം എന്ന നിലയിൽ പ്രഖ്യാപനം മുതൽ ‛ബറോസ്′ ശ്രദ്ധയാകർഷിച്ചിരുന്നു. ബിഗ് ബജറ്റ് ത്രീഡി ഫാൻറസിയായി എടുക്കുന്ന ഈ ചിത്രത്തിൽ സ്പെയിൻ, പോർചുഗൽ, ഘാന, അമേരിക്ക എന്നിവിടങ്ങളിൽനിന്നുള്ള അന്തർദേശീയ അഭിനേതാക്കൾ വേഷമിടുന്നു.
മോഹൻലാൽ തന്നെയാണ് സിനിമയിൽ പ്രധാനകഥാപാത്രമായ ബറോസ് എന്ന ഭൂതത്തെ അവതരിപ്പിക്കുന്നത് . സന്തോഷ് ശിവനാണ് ഛായാഗ്രാഹകൻ. 1984ൽ ഇറങ്ങിയ ഇന്ത്യയിലെ ആദ്യത്തെ ത്രീഡി ചിത്രമായ ‛മൈ ഡിയർ കുട്ടിച്ചാത്തൻ′ എടുത്ത ജിജോ പുന്നൂസിെൻറ കഥയെ ആസ്പദമാക്കിയാണ് ‛ബറോസ്′.
പോര്‍ച്ചുഗീസ് പശ്ചാത്തലമുള്ള പിരീഡ് സിനിമയാണ് ബറോസ്. വാസ്‌കോഡഗാമയുടെ നിധി സൂക്ഷിപ്പുകാരനായ ഒരു ഭൂതമാണ് ബറോസ്. നാനൂറ് വര്‍ഷങ്ങളായി നിധിക്ക് കാവലിരിക്കുന്ന ബറോസ് യഥാര്‍ത്ഥ അവകാശിയെയാണ് കാത്തിരിക്കുന്നത്. നിധി തേടി ഒരു കുട്ടി ബറോസിന് മുന്നിലെത്തുന്നതാണ് സിനിമയുടെ പ്രമേയം. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് നിര്‍മ്മാണം
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
