ആലപ്പുഴയില്നിന്ന് തട്ടിക്കൊണ്ടുപോയ മാന്നാര് കൊരട്ടിക്കാട് സ്വദേശിനി ബിന്ദുവിനെ പാലക്കാട് കണ്ടെത്തി. തട്ടിക്കൊണ്ടുപോയ സംഘം യുവതിയെ പാലക്കാട് വടക്കഞ്ചേരിയില് റോഡില് ഇറക്കിവിട്ടു എന്നും തട്ടിക്കൊണ്ടുപോയ സംഘത്തെക്കുറിച്ചും യുവതി പൊലീസിന് മൊഴി നല്കിയിട്ടുണ്ട്.
പ്രതികളെ പൊലീസ് തിരിച്ചറിഞ്ഞതായാണ് വിവരം. മൊബൈല് ഫോണ് ടവര് ലൊക്കേഷന് ഉള്പ്പെടെ പരിശോധിച്ച് ഇവരെ പിടികൂടാനുള്ള ശ്രമങ്ങള് തുടരുകയാണ്.
യുവതിയെ തട്ടിക്കൊണ്ടുപോയതിന് പിന്നില് സ്വര്ണക്കടത്ത് സംഘമാണെന്ന് പോലീസ് സ്ഥിരീകരിച്ചിട്ടുണ്ട്. എന്നാല് ഇതുസംബന്ധിച്ചുള്ള കൂടുതല് വിവരങ്ങള് പോലീസ് പുറത്തുവിട്ടിട്ടില്ല.
കമ്പിവടിയും വടിവാളുമായി 15 പേരടങ്ങുന്ന സംഘമാണ് വീട്ടിലെത്തിയതെന്നും ആദ്യം കോളിങ് ബെല്ലടിച്ച സംഘം പിന്നീട് വീടിന്റെ വാതില് തകര്ത്ത് ബിന്ദുവിനെ തട്ടിക്കൊണ്ടുപോയെന്നുമാണ് കുടുംബത്തിന്റെ പരാതി.
ആദ്യം ഖത്തറിലെ സൂപ്പര്മാര്ക്കറ്റില് അക്കൗണ്ടന്റായി ജോലി ചെയ്തിരുന്ന ബിന്ദു ഇടയ്ക്കിടെ കേരളത്തില് വന്നുപോയിരുന്നതായി പോലീസ് അന്വേഷണത്തില് കണ്ടെത്തി. സംഭവത്തിന് പിന്നില് കൊടുവള്ളി സംഘമാണെന്നും കുടുംബം ആരോപിച്ചിരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here