മലയാളത്തിലെ എക്കാലത്തെയും സൂപ്പര്ഹിറ്റ് ചിത്രങ്ങളിലൊന്നായ മണിച്ചിത്രത്താഴിന് ഇന്ത്യയിലെ പല ഭാഷകളിലും റീമേക്കുകകള് ഉണ്ടായിട്ടുണ്ട്. ഇപ്പോള് ബോളിവുഡില് ചിത്രത്തിന്റെ രണ്ടാം ഭാഗവും എത്തുകയാണ്.
മണിച്ചിത്രത്താഴിന്റെ ഹിന്ദി പതിപ്പായ 2007ലിറങ്ങിയ ഭൂല് ഭുലയ്യയുടെ രണ്ടാം ഭാഗത്തിന്റെ റിലീസ് പ്രഖ്യാപനം ആരാധകര് ഏറ്റെടുത്തിരിക്കുയാണ്. കാര്ത്തിക് ആര്യനും കിയാര അഡ്വാനിയും നായികാനായകരായ എത്തുന്ന ചിത്രത്തിന്റെ പേര് ഭൂല് ഭുലയ്യ 2 എന്നാണ്.
നവംബര് 19ന് ചിത്രം തിയേറ്ററുകളിലെത്തുമെന്നാണ് അണിയറ പ്രവര്ത്തകര് അറിയിച്ചിട്ടുള്ളത്. ചിത്രത്തിന്റെ പോസ്റ്ററും ട്വീറ്റിനൊപ്പം അണിയറ പ്രവര്ത്തകര് പങ്കുവെച്ചിട്ടുണ്ട്.
2007ല് ഇറങ്ങിയ ഭൂല് ഭുലയ്യയില് അക്ഷയ് കുമാറും വിദ്യാ ബാലനും ഷിനെയ് അഹുജ എന്നിവരായിരുന്നു പ്രധാന വേഷത്തിലെത്തിയത്. ഇപ്പോള് വരുന്ന രണ്ടാം ഭാഗം അക്ഷയ് കുമാറിന്റെ ഡോ. ആദിത്യ ശ്രീവാസ്തവയില് നിന്നും പ്രചോദനം ഉള്ക്കൊണ്ടുള്ള സ്പിന് ഓഫ് ചിത്രമാണെന്നാണ് റിപ്പോര്ട്ടുകള്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here