ലോക് ഡൗണും വീട്ടിലിരിപ്പും നീണ്ടുപോകുന്നതിനാല് കൊറോണയ്ക്കൊപ്പം ജീവിക്കുക എന്ന നിലയിലേക്ക് ലോകം മാറിയിരിക്കുന്നു. വ്യക്തി ശുചിത്വവും രോഗപ്രതിരോധശേഷി വര്ധിപ്പിക്കലുമാണ് കോവിഡിനെ നേരിടാനുള്ള വഴി. കോവിഡ് പ്രതിരോധത്തിന് ആഹാരം പ്രധാനമാണെന്ന് ലോകാരോഗ്യസംഘടന വ്യക്തിമാക്കിയതോടെ രോഗപ്രതിരോധശേഷി വര്ധിപ്പിക്കാന് എന്തെല്ലാം ഭക്ഷണം കഴിക്കാം എന്നത് പ്രധാനമാണ്. പോഷകാഹാരക്കുറവും അനാരോഗ്യകരമായ ഭക്ഷണശീലവും രോഗപ്രതിശേഷി കുറയ്ക്കുകയും പകര്ച്ച വ്യാധികള്ക്ക് പെട്ടന്ന് പിടിപെടാന് കാരണമാവുകയും ചെയ്യുമെന്ന് എല്ലാവര്ക്കും അറിയാം. അതിനാല് സമീകൃതഹാരം ശീലമാക്കിയേ മതിയാകൂ.
തവിടോട് കൂടിയ ധാന്യങ്ങള്
സംസ്കരിച്ച ധാന്യങ്ങള് ഉപയോഗിക്കുന്നതിന് പകരം തവിടോട് കൂടിയ ധാന്യങ്ങള് ഉപയോഗിക്കാം. നെല്ല്, കുത്തരി, രാഗി, ഗോതമ്പ്? തുടങ്ങിയവ. തവിടില് നിയാസില്, തയമിന്, ഫോളിക് ആസിഡ് തുടങ്ങിയ വിറ്റാമിനുകളും സിങ്ക്, ഇരുമ്പ്, മഗ്നീഷ്യം, മാന്ഗനീസ് തുടങ്ങിയ ധാതുക്കളും അടങ്ങിയിരിക്കുന്നു.
ഇവയെല്ലാം പ്രതിരോധ ശക്തി വര്ധിപ്പിക്കുകയും രോഗബാധ തടയുകയും ചെയ്യുന്നു. രോഗബാധയുള്ളവര് ഇഡലി, ദോശ തുടങ്ങിയ പെട്ടന്ന് ദഹിക്കുന്ന ആഹാരം ശീലമാക്കുക.
പഴങ്ങളും പച്ചക്കറികളും
മധുരം കുറഞ്ഞതും പുളിയുള്ളതുമായ പഴങ്ങളാണ് തിരഞ്ഞെടുക്കേണ്ടത്. ഓറഞ്ച്, മുസംബി, ആപ്പിള്, സബര്ജില്, ഉറുമാമ്പഴം, പപ്പായ, മുന്തിരി തുടങ്ങിയവ കഴിച്ചോളൂ. ദിവസം അഞ്ച് കപ്പ് എന്ന അളവില് കഴിച്ചിരിക്കണം. ഇതേ അളവില് തന്നെ പച്ചക്കറികളും ദിവസേനയുള്ള ഭക്ഷണെത്തിന്റെ ഭാഗമാക്കണം. പച്ചക്കറികള് തിരഞ്ഞെടുക്കുമ്പോള് ഇലക്കറികളും മഞ്ഞ ഓറഞ്ച് നിറത്തിലുള്ളവയും ഉള്പ്പെടുത്തുക. വിറ്റമിനുകളുടെ പ്രധാന സ്ത്രോതസ് പഴങ്ങളും പച്ചക്കറികളും ആണെന്നതിനാല് മടികൂടാതെ ഭക്ഷണത്തില് തീര്ച്ചയായും ഉള്പ്പെടുത്തണം.
മാംസ്യം അടങ്ങിയവ
മാംസ്യം അഥവാ പ്രോട്ടീന് അടങ്ങിയ പയര് വര്ഗങ്ങള്, പരിപ്പ്, മീന്, മുട്ട തുടങ്ങിയവയിലേതെങ്കിലും നിര്ബന്ധമായും ഉള്പ്പെടുത്തണം. ഒമേഗ-3 ധാരാളം അടങ്ങിയ ചെറിയമീനുകള് കറിവെച്ച്? ഉപയോഗിക്കാം. മുട്ടയുടെ മഞ്ഞയില് കൊഴുപ്പു കൂടുതലായതിനാല് ദിവസത്തില് ഒന്നില് കൂടുതല് വേണ്ട. പകരം രണ്ട്? മുട്ടയുടെ വെള്ള ഉപയോഗിക്കാം. ദഹനം മെച്ചപ്പെടുത്തുന്നതിനാല് തൈര്? ശീലമാക്കുക.
നട്ട്സ് കഴിക്കാം
വിറ്റാമിന്-ഇ, മഗ്നീഷ്യം, നാരുകള് തുടങ്ങിയ പോഷകങ്ങള് അടങ്ങിയതിനാല് പ്രതിരോധശേഷി വര്ധിപ്പിക്കാനും ദഹനപ്രക്രിയ സുഗമമാക്കാനും നട്ട്സ് കഴിക്കാം. മാത്രമല്ല നല്ല കൊളസ്ട്രോളിനെ കൂട്ടാനും ഇവ നല്ലതാണ്. ദിവസവും 15-20 ഗ്രാം നട്ട്സ് കഴിച്ചാല് വളരെ നല്ലത്?. ഒരേതരം നട്ട്സ് ഉപയോഗിക്കുന്നതിനേക്കാള് മിക്സഡ് നട്ട്സ് ആണ് ഉത്തമം.
വെളുത്തുള്ളിയും കരിഞ്ചീരകവും കോവിഡിന് പ്രതിവിധിയോ?
പലവിധ പാനീയങ്ങളും മരുന്നുകൂട്ടുകളും വ്യാപകമായി പ്രചരിക്കുന്നുണ്ടല്ലോ. നമ്മള് പലരും അവ പരീക്ഷിച്ചിട്ടുണ്ടായിരിക്കാം. വെളുത്തുള്ളി, കരിഞ്ചീരകം, നാരങ്ങ, മഞ്ഞള് തുടങ്ങിയവയില് വിവിധ ആന്റി ഓക്സിഡന്റുകള് അടങ്ങിയിട്ടുണ്ടെന്ന്? പഠനങ്ങള് പറയുന്നു.
ഇവയില് ചിലത് രോഗപ്രതിരോധത്തിന് ഉത്തമവും ഔഷധമൂല്യമുള്ളവയുമാണ്. ഇവയെല്ലാം നിശ്ചിത അളവില് ആരോഗ്യപരമായ രീതിയില് ഭക്ഷണത്തില് ഉള്പ്പെടുന്നത് വളരെ നന്നായിരിക്കും. എന്നിരുന്നാലും എല്ലാ പാചകകൂട്ടുകളും ആരോഗ്യപരമാവണമെന്നില്ല. ഉദാഹരണത്തിന് വെളുത്തുള്ളി അച്ചാറിട്ട് ഉപയോഗിക്കുന്നതിനേക്കാള് ചെറുതായി അരിഞ്ഞ് വേവിക്കാതെ ഭക്ഷണത്തില് ഉപയോഗിക്കുന്നതാണ്. ഇവയ്?ക്കൊന്നും കോവിഡ്? 19 എന്ന മഹാമാരിയെ സുഖപ്പെടുത്താനാവില്ല. പക്ഷേ, പ്രതിരോധശേഷി വര്ധിപ്പിക്കാ സാധിക്കും.
ഇവയെല്ലാം പ്രതിരോധശേഷി കുറയ്ക്കുന്നു
ഭക്ഷണത്തിലൂടെ രോഗപ്രതിരോധശേഷി കൂട്ടാമെങ്കില് ചില ഭക്ഷണശീലങ്ങള് നമ്മുടെ പ്രതിരോധശേഷി തകര്ക്കുകയും ചെയ്യും. റെഡ്?മീറ്റ് ഇനത്തില് പെട്ട പോത്തിറച്ചി, പന്നിയിറച്ചി തുടങ്ങിയവ ഒഴിവാക്കുക തന്നെ വേണം. എരിവ് കൂടുതലുള്ളതും തണുത്തതും എണ്ണയില് വറുത്തത്, പലഹാരങ്ങള് തുടങ്ങിയവ ഉപേക്ഷിക്കുന്നത് തീര്ച്ചയായും രോഗപ്രതിരോധശേഷി നഷ്ടപ്പെടാതിരിക്കാന് നല്ലത് തന്നെ.
വ്യക്തി ശുചിത്വം എങ്ങിനെ
ഭക്ഷണം പാകം ചെയ്യുന്നതിനും കഴിക്കുന്നതിനും മുമ്പ് കൈകള് നന്നായി സോപ്പ് ഉപയോഗിച്ച് കഴുകുക. പുറത്ത് പോയി വന്നാല് ദേഹശുചിത്വം വരുത്തിയതിന് ശേഷം മാത്രം ഭക്ഷണം കൈകാര്യം ചെയ്യാം. ധാരാളം വെള്ളം കുടിക്കുന്നത്? ശരീരത്തിനുള്ളിലുള്ള മാലിന്യങ്ങളെ പുറന്തള്ളാന് സഹായകമാകും.
കൊറോണ കാലത്ത് പ്രസിദ്ധരായ വിറ്റാമിന്സ്
കോവിഡ്?-19മായി ബന്ധപ്പെട്ട് നിങ്ങള് ഏറെ കേള്ക്കാനിടയായത് വിറ്റാമിന്-ഡി ആയിരിക്കും. നമ്മുടെ രോഗപ്രതിരോധശേഷിയ ശക്തിപ്പെടുത്താന് വിറ്റാമിന്-ഡി അനിവാര്യമായത് കൊണ്ട് തന്നെയാണത്. വിറ്റാമിന്-ഡിയുടെ കുറവ് ഉള്ളവരില് രോഗബാധയ്?ക്കുള്ള അവസരം കൂടുന്നു. മത്തി, അയല പോലെത്തെ കൊഴുപ്പുള്ള മീനുകളിലും ഫോര്ട്ടിഫിക്കേഷന് ചെയ്തിട്ടുള്ള പാല്, ഓറഞ്ച്, ജ്യൂസ്, ധാന്യങ്ങള് എന്നിവയില് നിന്നും വിറ്റാമിന്-ഡി ലഭിക്കും. എന്നിരുന്നാലും ചില ആളുകളില് വിറ്റാമിന്-ഡിയുടെ ആഗിരണം മന്ദഗതിയിലായിരിക്കും. ഇവിടെയാണ് സപ്ലിമെന്റിന്റെ ആവിശ്യകത നിലനില്ക്കുന്നത്. വിറ്റാമിന്-ഡി കുറവുള്ളവര് ഡോക്റുടെ നിര്ദ്ദേശപ്രകാരം സപ്ലിമെന്റസ് ഉപയോഗിക്കാം.
വിറ്റാമിന്-ഡിയുടെ കൂടെത്തന്നെ നിങ്ങള് കേട്ടിരിക്കാന് സാധ്യതയുള്ള മറ്റൊന്നാണ് വിറ്റാമിന് സി. വിറ്റാമിന്-ഡിയില് നിന്ന്? വ്യത്യസ്തമായി വിറ്റാമിന്-സി കുറേയധികം ഭക്ഷ്യവസ്?തുക്കളില് കാണ?പ്പെടുന്നു. ഓറഞ്ച്, മഞ്ഞ നിറത്തിലുള്ള പഴങ്ങളും പച്ചക്കറികളും വിറ്റാമിന് സിടെ പ്രധാന സ്ത്രോസാണ്.
പോഷകസമ്പന്നമായ സമീകൃതാഹാരം ശീലമാക്കൂ… ആരോഗ്യമുള്ള ശരീരം രോഗണുക്കള്ക്ക് അത്ര എളുപ്പമൊന്നും കീഴടക്കാനാവല്ല.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here