നാട് നന്നാകാന്‍ യുഡിഎഫ്….ആഹാ എന്ത് രസമാണ് ഈ മുദ്രാവാക്യം കേള്‍ക്കാന്‍തന്നെ….ഇത് കേള്‍ക്കുമ്പോള്‍ തന്നെ നമുക്ക് നന്നാവാന്‍ തോന്നുന്നില്ലേ…. അതാണ് യുഡിഎഫിന്റെ കഴിവ്. വെറും ഒരു മുദ്രാവാക്യംകൊണ്ട് ഒരു നാടിനെ നന്നാക്കാന്‍ ഇറങ്ങാനുള്ള ഒരു തന്റേടമുണ്ടല്ലോ, അതിനെ സമ്മതാക്കാതെ വയ്യ.
കഴിഞ്ഞ അഞ്ച് വര്‍ഷം വളരെ നന്നായി ഭരിച്ചത്‌കൊണ്ടും നാടി നന്നാക്കിയതുകൊണ്ടുമായിരിക്കുമല്ലോ കഴിഞ്ഞ തെരഞ്ഞെടുപ്പില്‍ പ്രതിപക്ഷത്ത് ഇരിക്കേണ്ടി വന്നത്. എന്നിട്ടും അതിന്റെ യാതോരു ഉളുപ്പുമില്ലാതെ ഇനിയും നാട് നന്നാകാന്‍ യുഡിഎഫ് തന്നെ ഭരണത്തില്‍ വരണമെന്ന് പറയുന്ന ആ മനസുണ്ടല്ലോ…. അത് ആരും കാണാതെ പോകരുത്.
പൊതുവേ പ്രതിപക്ഷം എന്ത് രംഗത്തിറക്കിയാലും അത് പൊട്ടിപ്പൊളിഞ്ഞ് പാളീസാകാറാണ് പതിവ്. കുറ്റം പറയരുതല്ലോ ഈ മുദ്രാവാക്യത്തിന്റെ കാര്യത്തില്‍ അവര്‍ക്ക് വലരെ നല്ല പ്രതീക്ഷയുണ്ടായിരുന്നു. പക്ഷേ എന്ത് ചെയ്യാനാ…ഇതും പൊട്ടിപ്പൊളിഞ്ഞ് നാണംകെട്ട ്‌വസ്ഥയിലാണിപ്പോള്‍ പ്രതിപക്ഷം.
എങ്ങനെയാണെന്നല്ലേ പറയാം, വലിയ കാര്യത്തോടെ നാടിനെ നന്നാക്കാനിറങ്ങിയ മുദ്രാവാക്യത്തെ അറഞ്ചം പുറഞ്ചം ട്രോളിക്കൊല്ലുകയാണ് മലയാളി ട്രോളന്മാര്‍. ഇപ്പോള്‍ സോഷ്യല്‍മീഡിയ മുഴുവന്‍ വൈറലാകുന്നതും ഈ പരിഹാസ ട്രോളുകളായിരുന്നു. പാലാരിവട്ടം പാലത്തെ വരെ ഈ ട്രോളുകളില്‍ ഉള്‍പ്പെടുത്താന്‍ ട്രോളന്മാര്‍ മറന്നിട്ടില്ല.
ട്രോളുകളിലെയെല്ലാം പ്രധാന കഥാപാത്രങ്ങള്‍ നാടോടിക്കാറ്റിലെ ദാസനും വിജയനുമാണ്. ‘നാട് നന്നാക്കാനുണ്ടോ നാട് ‘പാലാരി വട്ടം , ജ്വല്ലറി തട്ടിപ്പ് , വെള്ളിയായ്ച്ച പിരിവ് , എന്നിവ മിതമായ കമ്മീഷന്‍ വ്യവസ്ഥയില്‍ ‘ നന്നാക്കി ‘കൊടുക്കപ്പെടുമെന്നാണ് ട്രോളുകള്‍ ഒന്നില്‍ പറയുന്നത്.
‘നാട് നന്നാകാന്‍ യുഡിഎഫ്?? നാട് നന്നാക്കാനുണ്ടോ..? നാട് ഞമ്മള് നാട് നന്നാക്കാനായി നടക്കുന്ന രണ്ടു സുഡു സഹോദരങ്ങളാണ്. പാലാരിവട്ടം നന്നാക്കിയത് ഞമ്മളാ’ ഇങ്ങനെ പോകുന്നു മറ്റൊരു ട്രോള്‍. എല്ലാം നന്നാക്കി നല്ല ശീലമുള്ളവരാണെന്നും നാട് ഞങ്ങള്‍ നന്നായി ന്നാക്കുമൊന്നാണ് മറ്റൊരു ട്രോള്‍.
ബി.ജെ.പി നന്നാകാന്‍ യു.ഡി.എഫ് എന്നാണ് മറ്റൊരു ട്രോള്‍. കഴിഞ്ഞ പ്രാവിശ്യം യുഡിഫിന്റെ മുദ്രവാക്യം ആര്‍ക്കെങ്കിലും ഓര്‍മ ഉണ്ടോ. ?പക്ഷെ എല്‍ഡിഎഫിന്റെ മുദ്രവാക്യം എന്താണെന്ന് ചോദിച്ചാല്‍ ശത്രുക്കള്‍ പോലും പറയും. അതാണ് എല്‍ഡിഎഫും യുഡിഎഫും തമ്മിലുള്ള വ്യത്യസമെന്നാണ് സോഷ്യല്‍മീഡിയയില്‍ വൈറലാകുന്ന ഒരു കമന്റ്.
എല്‍ഡിഎഫ് നന്നാക്കിയ നാടിനെ മുടിക്കാന്‍ വരുന്ന ഇവന്മാരെ മുളയിലേ നുള്ളി കളയണമെന്നും കമന്റുകളുണ്ട്. നാട് നന്നാക്കാനിറങ്ങി ഒടുവില്‍ ഉസ്മാനെങ്കിലും നന്നായാല്‍ മതിയായിരുന്നു എന്നാണ് മറ്റൊരു കമന്റ്.
ഇത്തരം കമന്റുകളും ട്രോളുകളും മലയാളികള്‍ക്ക് നല്‍കുന്നത് ഒരു പ്രതീക്ഷയാണ്….ഒരിക്കലും യുഡിഎഫ് കേരളത്തില്‍ ഭരണത്തില്‍ വരില്ലയെന്ന പ്രതീക്ഷയും ഇത്തരം കമന്റുകള്‍ കണ്ടെങ്കിലും യുഡിഎഫ് നന്നായാല്‍ മതിയായിരുന്നു എന്ന പ്രതീക്ഷയും.
Get real time update about this post categories directly on your device, subscribe now.
