ബംഗാളില് തൃണമൂല് കോണ്ഗ്രസ് സ്ഥാനാര്ത്ഥി പട്ടിക പ്രഖ്യാപിച്ചതിന് പിന്നാലെ സ്ഥാനാര്ത്ഥികളെ പ്രഖ്യാപിച്ച് ബിജെപി. മംമ്തയ്ക്ക് എതിരാളി മുൻ തൃണമൂല് കോണ്ഗ്രസ് നേതാവ് സുവേന്തു അധികാരി. വങ്കനാട് തെരഞ്ഞെടുപ്പ് ചൂടിലേക്ക്.
മാര്ച്ച് 27 മുതല് ഏപ്രില് 1 വരെ എട്ട് ഘട്ടങ്ങളിലായാണ് ബംഗാളില് വോട്ടിംഗ് നടക്കുന്നത്. മെയ് രണ്ടിനാണ് ഫലം പ്രഖ്യാപിക്കുക. കഴിഞ്ഞ ദിവസം തൃണമൂല് കോണ്ഗ്രസ് സ്ഥാനാര്ത്ഥി പട്ടിക പ്രഖ്യാപിച്ചതിന് പിന്നാലെയാണ് ബിജെപിയും സ്ഥാനാര്ത്ഥികളെ പ്രഖ്യാപിച്ചത്.
നന്ദിഗ്രാമില് മമത ബാനര്ജിക്ക് എതിരെ മത്സരിക്കുന്നത് തൃണമൂലില് നിന്നും രാജിവെച്ച് ബിജെപിയില് ചേര്ന്ന സുവേന്തു അധികാരിയാണ്. മമത ബാനര്ജിയുടെ അടുപ്പക്കാരിൽ ഒരാളായി കണക്കാക്കിയിരുന്ന സുവേന്തു അധികാരി അടുത്ത കാലത്താണ് ബിജെപിയില് ചേര്ന്നത്.സുവേന്തുവിനെ നന്ദിഗ്രാമില് സ്ഥാനാര്ത്ഥിയാക്കുന്നതിലൂടെ വിജയം നേടാനാകുമെന്ന പ്രതീക്ഷയിലാണ് ബിജെപി.
സിറ്റിംഗ് സീറ്റായ ഭബാനിപൂരിലല്ല, സുവേന്തു അധികാരിയുടെ മണ്ഡലമായ നന്ദിഗ്രാമില് നിന്നുമാണ് താന് മത്സരിക്കുകയെന്ന് മമത കഴിഞ്ഞ ദിവസം അറിയിച്ചിരുന്നു. രാജ്യം തന്നെ ശ്രദ്ധിക്കുന്ന ഏറ്റവും വാശിയേറിയ പോരാട്ടമായിരിക്കും നന്ദിഗ്രാമിൽ നടക്കുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here