അന്തരാഷ്ട്ര വനിതാദിനത്തോട് അനുബന്ധിച്ചുള്ള സ്ത്രീകളുടെ നേതൃത്വത്തിൽ നടന്ന കർഷക സമരം അവസാനിച്ചു

അതിർത്തികളിൽ കർഷകർ അന്തരാഷ്ട്ര വനിതാദിനത്തോട് അനുബന്ധിച്ചുള്ള സ്ത്രീകളുടെ നേതൃത്വത്തിൽ നടന്ന കർഷക സമരം അവസാനിച്ചു. ആയിരക്കണക്കിന് സ്ത്രീകൾ അതിർത്തികളിൽ സമരങ്ങളിൽ പങ്കെടുത്തു കർഷകർക്ക് ഐക്യദാർഢ്യവുമായി നിരവധി സങ്കടനകളും അതിർത്തികളിൽ എത്തിച്ചേർന്നു.

സിംഗു അതിർത്തിയിൽ വെടിയുതിർത്ത 4 പേർക്ക് വേണ്ടിയുള്ള തിരച്ചിൽ ഹരിയാന പോലിസ് ശക്തമാക്കി. അന്താരാഷ്ട്ര വനിതദിനത്തോട്ടനുബന്ധിച്ചാണ് സ്ത്രീകളുടെ നേതൃത്വത്തിൽ ദില്ലി അതിർത്തികളിൽ കർഷക സമരം നടന്നത്.

പഞ്ചാബ് ഹരിയാന ഉത്തർപ്രദേശ് തുടങ്ങിയ സംസ്ഥാനങ്ങളിൽ നിന്നും നാൽപതിനായിരത്തോളം സ്ത്രീകളാണ് കർഷക സമരങ്ങളിൽ പങ്കെടുക്കാൻ ഇന്ന് അതിർത്തികളിൽ എത്തിച്ചേർന്നത് .

സ്ത്രീകളുടെ നേതൃത്വത്തിൽ സിംഗു, ടിക്രി , ഗാസിപുർ ഉൾപ്പടെ ഉള്ള അതിർത്തികളിൽ വിവിധ പരിപാടികൾ അരങ്ങേറി. അന്ത്രാഷ്ട്ര വനിതാ ദിനം ആഘോഷിക്കാൻ നിരവധി വനിതാ സംഘടനകളും അതിർത്തികളിലേക്ക് എത്തിച്ചേർന്നിരുന്നു.

വരും ദിവസങ്ങളിൽ സമരം കൂടുതൽ ശക്തമാക്കുമെന്ന് കർഷക നേതാക്കൾ വ്യക്തമാക്കി
അതേ സമയം സിംഗു അതിർത്തിയിൽ കർഷകർക്ക് നേരെ വെടിയുതിർത്ത 4 പേർക്ക് വേണ്ടിയുള്ള തിരച്ചിൽ പോലിസ് ഊർജിതമാക്കി.

കാറിലെത്തിയ നാല് പേർ വെടിയുതിർക്കുകയായിരുന്നുവെന്ന് കർഷകർ പറഞ്ഞു. കഴിഞ്ഞ ദിവസം രാത്രി 11:30 നാണ് കാറിലെത്തിയ അക്രമികൾ കർഷകർക്ക് നേരെ വെടിയുതിർത്തത്. വാഹനത്തിന്റെ നമ്പർ പ്ലേറ്റ് കേന്ദ്രികരിച്ചുള്ള അന്വേഷണത്തിൽ അക്രമികൾ പഞ്ചാബിൽ നിന്നുള്ളവരാണെന്ന് വിവരമെന്ന് ഹരിയാന പോലിസ് വ്യക്തമാക്കി