മുതിർന്ന കോൺഗ്രസ് നേതാവ് പി സി ചാക്കോ പാർട്ടി വിട്ടു. പാർട്ടിയിൽ നിന്നുള്ള കടുത്ത അവഗണനയുടെ പശ്ചാത്തലാത്തിലാണ് രാജി.വളരെ നാടകീയമായ രാജിയാണ് പി സി ചാക്കോ നടത്തിയിരിക്കുന്നത്. നാല് തവണ എംപിയായ വ്യക്തിയാണ് പി സി ചാക്കോ. ദേശീയതലത്തിൽ കോൺഗ്രസിന്റെ മുഖമായിരുന്നു അദ്ദേഹം. കേരളത്തിൽ കോൺഗ്രസുകാരനായി കഴിയാനാകില്ലെന്ന് പി സി ചാക്കോ ആരോപിക്കുന്നു. കേരളത്തിൽ പാർട്ടിയില്ല, ഗ്രൂപ്പുകളേയുള്ളൂ.
സ്ഥാനാർത്ഥിനിർണയത്തെക്കുറിച്ച് ഒരു ചർച്ചയുമുണ്ടായില്ല. മണ്ഡലങ്ങളിൽ ഏതൊക്കെ സ്ഥാനാർത്ഥികളെന്ന് പോലും ഇപ്പോഴും തനിക്കറിയില്ല. ഉമ്മൻചാണ്ടിയും ചെന്നിത്തലയും നൽകുന്ന പട്ടിക അങ്ങനെത്തന്നെ അംഗീകരിക്കുകയാണ് പലപ്പോഴും ചെയ്യുന്നത്. ഇതിനെതിരെ താനും വി എം സുധീരനും പല തവണ പരാതിപ്പെട്ടു. ഒരു ഫലവുമുണ്ടായിട്ടില്ല. സുധീരനെ ഗ്രൂപ്പുകൾ ശ്വാസം മുട്ടിച്ച് പുറത്താക്കിയെന്നും ചാക്കോ ആരോപിക്കുന്നു.
നാല് തവണ എംപിയായ നേതാവാണ് പി സി ചാക്കോ. ഇടുക്കി, തൃശ്ശൂർ, മുകുന്ദപുരം മണ്ഡലങ്ങളെ ലോക്സഭയിൽ ചാക്കോ പ്രതിനിധീകരിച്ചിട്ടുണ്ട്.
എഴുപതുകളിൽ യൂത്ത് കോൺഗ്രസിലൂടെ രാഷ്ട്രീയത്തിലെത്തിയ ചാക്കോ, യൂത്ത് കോൺഗ്രസിന്റെ സംസ്ഥാന പ്രസിഡന്റായിരുന്നു.
പിറവത്ത് നിന്നാണ് ആദ്യമായി നിയമസഭയിലെത്തിയത്. 1975-ൽ കെപിസിസി ജനറൽ സെക്രട്ടറിയായ ചാക്കോ, 1980-ൽ വ്യവസായമന്ത്രിയുമായി.
1982 മുതൽ 1986 വരെ കോൺഗ്രസ് എസ്സിൽ പ്രവർത്തിച്ചു അദ്ദേഹം. ആദ്യമായി 1991-ൽ തൃശ്ശൂരിൽ നിന്നാണ് ആദ്യമായി ചാക്കോ ലോക്സഭയിലെത്തുന്നത്. പിന്നീട് ദേശീയരാഷ്ട്രീയത്തിൽ നിലയുറപ്പിച്ച ചാക്കോ, പല ഉന്നതപദവികളും വഹിച്ചിട്ടുണ്ട്.
ടുജി സ്പെക്ട്രം അഴിമതി അന്വേഷിച്ച പാർലമെന്ററി സമിതിയുടെ അധ്യക്ഷനായിരുന്നു ചാക്കോ. പിന്നീട് ദില്ലി അടക്കം വിവിധ സംസ്ഥാനങ്ങളുടെ ചുമതലയും ചാക്കോയ്ക്ക് ഹൈക്കമാൻഡ് നൽകി.
കേരളത്തിലെ തെരഞ്ഞെടുപ്പ് കമ്മിറ്റിയെ നോക്കുകുത്തിയാക്കി എ, ഐ ഗ്രൂപ്പുകള്ക്കായി സീറ്റ് വീതം വയ്ക്കുന്നുവെന്നും കേരളത്തിലെ കോണ്ഗ്രസിന്റെ അപചയമാണ് തന്റെ രാജിക്ക് കാരണമെന്നും രാജിക്കത്തിൽ പറയുന്നുണ്ട്
ഗ്രൂപ്പുകള്ക്ക് സംരക്ഷണം നല്കുന്നത് ഹൈക്കമാന്ഡ് ആണ്. ഗ്രൂപ്പ് ഉള്ളവര്ക്ക് മാത്രമാണ് കോണ്ഗ്രസില് നില്ക്കാന് പറ്റുന്നത് . മെറിറ്റിന് യാതൊരു വിലയും പാര്ടിയിലില്ല.തീരുമാനം എടുക്കുന്നത് ഗ്രൂപ്പ് നേതാക്കളാണ്.
എ ഐ ഗ്രൂപ്പുകള് രണ്ട് പാര്ട്ടിപോലെയാണ് പ്രവര്ത്തിക്കുന്നത്. ഉമ്മന്ചാണ്ടിയും ചെന്നിത്തലയുമാണ് കാര്യങ്ങള് തീരുമാനിക്കുന്നത്. ഇവര് തമ്മിലുള്ള വീതംവെപ്പിന് ഹൈക്കമാന്ഡ് അംഗീകാരം നല്കുകയാണ്.
വി എം സുധീരനെ ഗ്രൂപ്പുകള് ശ്വാസം മുട്ടിച്ച് പുറത്താക്കുകയായിരുന്നു. സ്ഥാനാര്ഥികള് ആരൊക്കെ എന്നത് ഗ്രൂപ്പ് നേതാക്കള്ക്ക് മാത്രം അറിയാം. സ്ഥാനാര്ഥി നിര്ണയത്തില്നിന്ന് തന്നെ ഒഴിവാക്കിയെന്നും പി സി ചാക്കോ പറഞ്ഞു.നാളെ എങ്ങോട്ട് പോകുമെന്ന് പറയാനാകില്ലെന്നും നാലുതവണ എം പിയായ പിസി ചാക്കോ പറഞ്ഞു.
കോണ്ഗ്രസ് ഹൈക്കമാന്ഡിനെതിരെയും പാര്ട്ടിയിലെ ഗ്രൂപ്പുകള്ക്കെതിരെയും അദ്ദേഹം രൂക്ഷവിമര്ശനമാണ് അദ്ദേഹം പത്രസമ്മേളനത്തില് ഉന്നയിച്ചത്.
അദ്ദേഹത്തിന്റെ വാക്കുകള് ഇങ്ങനെ:
ചില നിക്ഷിപ്ത താത്പര്യക്കാരുടെ നിലപാടിനനുസരിച്ചാണ് സ്ഥാനാര്ഥി നിര്ണ്ണയമെന്ന് പി.സി ചാക്കോ ആരോപിച്ചു. 14 പേരുള്ള തിരഞ്ഞെടുപ്പ് കമ്മറ്റി 40 പേരുള്ള തിരഞ്ഞെടുപ്പ് കമ്മറ്റിയാക്കി മാറ്റിയെന്നും ആ കമ്മറ്റി ഇതുവരെ ഒരു ചര്ച്ചയും നടത്തിയിട്ടില്ല. കോണ്ഗ്രസ്സ് നടപടിക്രമം അനുസരിച്ച് പ്രദേശ് ഇലക്ഷന് കമ്മറ്റിയില് സ്ഥാനാര്ഥികളുടെ ലിസ്റ്റ് വെക്കണം. ഓരോസീറ്റുകളെ കുറിച്ച് ചര്ച്ച നടത്തി പാനല് സ്ക്രീനിങ് കമ്മറ്റിക്ക് ലിസ്റ്റ് അയക്കണം. എന്നിട്ടാണ് സെന്ട്രല് എലക്ഷന് കമ്മറ്റിയിലേക്കു അയക്കേണ്ടത്. ഇതൊന്നും നിലവില് നടന്നിട്ടില്ല, പിസി ചാക്കോ പറഞ്ഞു.
പേരുകളെല്ലാം ഉമ്മന്ചാണ്ടിയുടെയോ രമേശ് ചെന്നിത്തലയുടെയോ മനസ്സില് മാത്രമാണ്. അതല്ലെങ്കില് അവരോടൊപ്പം നില്ക്കുന്ന ഗ്രൂപ്പു നേതാക്കളുടെ കയ്യിലാണ്. ഒറ്റ നിയോജകമണ്ഡലത്തില് പോലും ആരുടെ പേരാണ് നിര്ദേശിക്കുന്നതെന്ന് പ്രദേശ് ഇലക്ഷന് കമ്മിറ്റി അറിഞ്ഞിട്ടില്ല. കുറേ പേരുകള് ചെന്നിത്തലയും ഉമ്മന്ചാണ്ടിയും തന്നിട്ടുണ്ടാവും. അത് മാത്രമാണ് സ്ക്രീനിങ് കമ്മറ്റി സ്ക്രീന് ചെയ്തത്. കോണ്ഗ്രസ്സിന്റെ അപചയമാണിത് കാണിക്കുന്നത്.
എഐസിസി, ഡിസിസി, കെപിസിസി ബ്ലോക്ക് മണ്ഡലം വരെയുള്ള ഭാരവാഹി നിര്ണ്ണയം ഗ്രൂപ്പ് നേതാക്കന്മാര് വീതംവെക്കുകയാണ്. ഐക്ക് എട്ട് എയ്ക്ക് 9 എന്ന വീതം വെക്കല് ഏര്പ്പാടല്ലാതെ മെറിറ്റ് പരിഗണനയിലില്ല. ജയസാധ്യത പരിഗണിക്കുന്നില്ല. എയുടെ സീറ്റ് എയും ഐയുടെ സീറ്റ് ഐയും തീരുമാനിക്കുന്നു. കേന്ദ്രകമ്മറ്റിയിലെത്തുമ്പോഴും എയ്ക്ക വേണ്ടി എയും ഐയ്ക്ക വേണ്ടി ഐയും പ്രവര്ത്തിക്കുകയാണ്’. ഹൈക്കമാന്ഡ് പോലും ഈ ഗ്രൂപ്പ് പ്രവണതയെ നിരുത്സാഹപ്പെടുത്തുന്നില്ലെന്നും പിസി ചാക്കോ കുറ്റപ്പെടുത്തി.
വി എം സുധീരന് ഏറ്റവും എഫക്ടീവായി പ്രവര്ത്തിച്ച പ്രസിഡന്റാണ്. ഗ്രൂപ്പിന്റെ ഭാഗമല്ലാത്ത ആര്ക്കും പ്രവര്ത്തിക്കാന് പറ്റാത്ത സാഹചര്യമാണ്. അതിന് ഹൈക്കമാന്ഡിന്റെ അംഗീകാരവും സംരക്ഷണവുമുണ്ട്. അതിനാലാണ് രാജിവെക്കുന്നത്. കോണ്ഗ്രസ്സുകാരനായിരിക്കുക എന്നത് കേരളത്തില് അസാധ്യമാണ്. കേരളത്തില് ഗ്രൂപ്പുകാരനായിരിക്കാന് മാത്രമേ കഴിയൂ. രണ്ടായി പ്രവര്ത്തിക്കുന്ന ഗ്രൂപ്പുകളുടെ ഏകോപന സമിതിയാണ് ഇന്ന് കോണ്ഗ്രസ്സ്. അതിനാല് ഇതുമായി യോജിച്ചു പോവാന് സാധ്യമല്ല. അതിനാലാണ് കോണ്ഗ്രസ്സിനോട് വിടപറയുന്നത്.
കോണ്ഗ്രസ്സിന് ഒരു ദേശീയ നേതൃത്വമില്ല. ഒരു വര്ഷം പ്രസിഡന്റില്ലാതെ തലയില്ലാതെ പോയൊരു ഘട്ടത്തില് അനാരോഗ്യം ഉണ്ടായിട്ടും നിവൃത്തിയില്ലാതെയാണ് സോണിയ പ്രസിഡന്റായത്. കോണ്ഗ്രസ്സിനെ ഉന്മൂലനം ചെയ്യാനുള്ള ബിജെപി ശ്രമത്തെ കോണ്ഗ്രസ്സിന് നേരിടാന് കഴിയാതെപോകുന്നത് കോണ്ഗ്രസ്സിന്റെ ദൗര്ബല്യം കൊണ്ടാണ്. അല്ലാതെ ബിജെപിയുടെ ശക്തികൊണ്ടല്ല. നിലവില് ജനാധിപത്യപരമായി പ്രവര്ത്തിക്കാനുള്ള അവസരം അവിടെയില്ല. വേറെ എവിടെയും പോവാനല്ല രാജിയെന്നും അദ്ദേഹം കൂട്ടിച്ചേര്ത്തു.
ഉമ്മന് ചാണ്ടിയുടെയും രമേശ് ചെന്നിത്തലയുടെയും അവരോടൊപ്പം നില്ക്കുന്ന ഗ്രൂപ്പ് നേതാക്കളുടെയും ഇംഗിതം അനുസരിച്ചാണ് വീതം വയ്പ്. ഇരുഗ്രൂപ്പുകളെയും ഏകോപിപ്പിച്ചു കൊണ്ടുപോകുക എന്ന കര്മമാണ് കെപിസിസിയും ഹൈക്കമാന്ഡും ചെയ്യുന്നത്. ദേശീയതലത്തില് കോണ്ഗ്രസിനു വളര്ച്ചയില്ലെന്നും പി.സി.ചാക്കോ വാര്ത്താ സമ്മേളനത്തില് പറഞ്ഞു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here