കേരള പ്രീമിയര്‍ ലീഗിനുള്ള കേരള ബ്ലാസ്റ്റേഴ്‌സ് എഫ്സി റിസർവ്സ് ടീമിനെ പ്രഖ്യാപിച്ചു

കേരള ഫുട്ബോള്‍ അസോസിയേഷന്‍ സംഘടിപ്പിക്കുന്ന കേരള പ്രീമിയര്‍ ലീഗ് (കെപിഎല്‍) ഏഴാം സീസൺ മത്സരങ്ങൾക്കുള്ള ടീമിനെ പ്രഖ്യാപിച്ച് കേരള ബ്ലാസ്റ്റേഴ്‌സ് എഫ്സി റിസർവ്സ്. കേരളത്തിൻ്റെ ചാമ്പ്യൻ പട്ടത്തിനായി 12 ടീമുകൾ മത്സരിക്കുന്ന കെ.പി.എലിന് മാർച്ച് ആറിനാണ് തുടക്കമായത്. നിലവിലെ ചാമ്പ്യന്മാരായ കേരള ബ്ലാസ്റ്റേഴ്‌സ് എഫ്സി റിസര്‍വ്‌സ്, 13ന് നടക്കുന്ന ആദ്യ മത്സരത്തില്‍ കേരള യുണൈറ്റഡ് എഫ്‌സിയെ നേരിടും. എറണാകുളത്തെ മഹാരാജാസ് കോളേജ് ഗ്രൗണ്ടിലാണ് മത്സരം.

സച്ചിന്‍ സുരേഷ്, ബിരേന്ദര റബാ സിംഗ്, അമന്‍ കുമാര്‍ സഹാനി, അമല്‍ ജേക്കബ്, സുജിത്ത് വി ആര്‍, ഗാലിന്‍ ജോഷി, ബിജോയ് വി, സലാഹുദ്ദീന്‍ അദ്നാന്‍, അരിത്ര ദാസ്, ഷഹജാസ് ടി, മുഹമ്മദ് ജിയാദ് സി, ആസിഫ് ഒ എം, മുഹമ്മദ് ബാസിത് പറത്തോടി, ബെക്കാം സിംഗ്, സയീദ് ബിന്‍ വലീദ്, സുഖാം യോയിഹെംബ മെയ്തേ, റിതീഷ്, നിഹാല്‍ സുദീഷ്, സനൂപ് സി, റോഷന്‍ ജിജി, ദീപ് സാഹ, സൂരഗ് ഛേത്രി, ക്രിസ്റ്റഫര്‍ രാജ്കുമാര്‍, പ്രഫുല്‍ കുമാര്‍ വൈ വി, നഓരം ഗോബിന്ദാഷ് സിംഗ്, ഗോതിമയും മുക്താസന ശര്‍മ്മ എന്നിവരാണ് ബ്ലാസ്‌റ്റേഴ്‌സ് ടീം അംഗങ്ങള്‍.

നിലവിലെ ചാമ്പ്യന്മാരായതിനാൽ, ഞങ്ങളുടെ ടീം ആവേശത്തിലാണെന്ന് മുഖ്യ പരിശീലകൻ ടി.പുരുഷോത്തമന്‍ പറഞ്ഞു. ടീം കഠിനാധ്വാനം ചെയ്തു, ഇത്തവണയും മികവുറ്റ പ്രകടനമാണ് ലക്ഷ്യമിടുന്നത്. കഴിഞ്ഞ വര്‍ഷത്തെ അപേക്ഷിച്ച് കോവിഡ് -19 കാരണം മത്സരങ്ങളുടെ എണ്ണം കുറച്ചിട്ടുണ്ടെങ്കിലും ഞങ്ങളുടെ ടീമിന് പരമാവധി പിന്തുണയും സഹായവും നല്‍കാനാണ് ഞങ്ങള്‍ ഇവിടെയെത്തിയത്- അദ്ദേഹം പറഞ്ഞു.

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here