പൗരത്വ നിയമം നടപ്പാക്കില്ലെന്ന് ആദ്യം പ്രഖ്യാപിച്ചത് കേരളമെന്ന് പിണറായി വിജയന്‍. പൗരത്വ നിയമഭേദഗതി വന്നപ്പോള്‍ എല്‍ ഡി എഫ് ഒരു നിമിഷം അറച്ചു നിന്നില്ലെന്നും പിണറായി വിജയന്‍ വ്യക്തമാക്കി. എൽ ഡി എഫ് ധർമ്മടം മണ്ഡലം കൺവെൻഷനിൽ സംസാരിക്കുകയായിരുന്നു മുഖ്യമന്ത്രി. പ്രതിസന്ധികളിൽ കേരളത്തെ രക്ഷിച്ച നേതാവാണ് പിണറായിയെന്ന് കൺവെൻഷൻ ഉദ്ഘാടനം ചെയ്ത സി പി ഐ എം സംസ്ഥാന സെക്രട്ടറി കാനം രാജേന്ദ്രൻ പറഞ്ഞു.
നിയമം നടപ്പാക്കില്ല എന്ന് ആദ്യം പ്രഖ്യാപിച്ചത് കേരളം. കേരളത്തില്‍ നിന്നു കൊണ്ട് കോണ്‍ഗ്രസ്സ് ബി ജെ പി ക്ക് എതിരെ ഒരക്ഷരം മിണ്ടുന്നില്ല. പാര്‍ലമെന്റില്‍ യു ഡി എഫ് എം പിമാര്‍ ഇതുവരെ കേരളത്തിനു വേണ്ടി ശബ്ദിച്ചിട്ടില്ലെന്നും പിണറായി വിജയന്‍ തെരഞ്ഞെടുപ്പ് പ്രചാരണ പരിപാടിയില്‍ വ്യകതമാക്കി.
കേരളത്തിന് കേന്ദ്രം സഹായം നിഷേധിച്ചപ്പോള്‍ ഒരക്ഷരം യു ഡി എഫ് സംസാരിച്ചില്ല. കേരളത്തിന് എതിരെ വരുന്ന കേന്ദ്ര ഏജന്‍സികളെ കോണ്‍ഗ്രസ്സ് തപ്പ് കൊട്ടി പ്രോത്സാഹിപ്പിക്കുന്നുവെന്നും മുഖ്യമന്ത്രി പറഞ്ഞു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
