വാട്സ്ആപ്പ് സമീപകാലത്താണ് ‘മെസഞ്ചര്‍ റൂം’ എന്ന ഫീച്ചര്‍ അവതരിപ്പിച്ചത്. 50 ആളുകളുമായി ഒരേ സമയം ഗ്രൂപ്പ് വിഡിയോ കോള്‍ ചെയ്യാന്‍ സാധിക്കുന്ന മെസഞ്ചര്‍ റൂം സംവിധാനം സൂം, ഗൂഗ്ള്‍ മീറ്റ് ആപ്പ് പോലെ എളുപ്പത്തില്‍ ഉപയോഗിക്കാം. മെസ്സഞ്ചര്‍ ആപ്പ് വഴിയോ അല്ലെങ്കില്‍ സ്മാര്‍ട്ട്ഫോണിലോ, പി.സിയിലോ ഉള്ള വെബ് ബ്രൗസറില്‍ മെസ്സഞ്ചര്‍ വെബ് സൈറ്റ് തുറന്നോ യൂസര്‍മാര്‍ക്ക് വിഡിയോ കോളിനായുള്ള റൂം ഉണ്ടാക്കാന്‍ സാധിക്കും. ശേഷം വാട്സ്ആപ്പിലെ കോണ്‍ടാക്ടുകള്‍ക്കും ഗ്രൂപ്പ് ചാറ്റിലും റൂമിലേക്കുള്ള ഇന്‍വൈറ്റ് ലിങ്ക് അയക്കാം. വിഡിയോ കോളിലേക്കുള്ള ക്ഷണം അടങ്ങിയിട്ടുള്ള ലിങ്ക് തുറന്ന് റൂമിലേക്ക് പ്രവേശിക്കാന്‍ അവര്‍ക്ക് ഫേസ്ബുക്ക് അക്കൗണ്ടോ, മെസഞ്ചര്‍ ആപ്ലിക്കേഷനോ ഉണ്ടാവേണ്ട ആവശ്യമില്ല.
എങ്ങനെ മെസഞ്ചര്‍ റൂം നിര്‍മിക്കാം
സ്റ്റെപ്പ് 1 :- പി.സിയില്‍ വാട്സ്ആപ്പ് വെബ് അല്ലെങ്കില്‍ ഡെസ്ക്ടോപ്പ് തുറക്കുക
സ്റ്റെപ്പ് 2:- വിഡിയോ കോള്‍ ചെയ്യാന്‍ ഉദ്ദേശിക്കുന്ന വ്യക്തിയുടെ ചാറ്റ്ബോക്സില്‍ പോവുക.
സ്റ്റെപ്പ് 3:- സന്ദേശം ടൈപ്പ് ചെയ്യാനുള്ള ബോക്സിന് സമീപത്തുള്ള അറ്റാച്ച്‌മെന്‍റ് സെക്ഷനിലേക്ക് പോവുക.
സ്റ്റെപ്പ് 4:- അതിലെ റൂംസ് എന്ന ഓപ്ഷനില്‍ ക്ലിക്ക് ചെയ്യുക.
സ്റ്റെപ്പ് 5:- മെസഞ്ചറില്‍ തുടരാനുള്ള ‘Continue in Messenger’ ഓപ്ഷനില്‍ സമ്മതമറിയിക്കുക.
സ്റ്റെപ്പ് 6:- പിന്നാലെ ആപ്ലിക്കേഷന്‍ മറ്റുള്ളവര്‍ക്ക് വിഡിയോകോളില്‍ ജോയിന്‍ ചെയ്യാനുള്ള ‘ഇന്‍വൈറ്റ് ലിങ്ക്’ നിങ്ങള്‍ക്ക് അയച്ചുതരും. ആ ലിങ്ക് പങ്കുവെക്കാം. അതില്‍ ക്ലിക് ചെയ്യുന്നതോടെ നിങ്ങളുടെ സുഹൃത്തുക്കള്‍ക്കും കുടുംബാംഗങ്ങള്‍ക്കും റൂമില്‍ പ്രവേശിക്കാന്‍ സാധിക്കും.
അതേസമയം, മെസഞ്ചര്‍ റൂം ഫീച്ചര്‍ വാട്സ്ആപ്പ് ഗ്രൂപ്പുകളില്‍ പോസ്റ്റ് ചെയ്യാന്‍ ആഗ്രഹിക്കുന്നവര്‍ അറിഞ്ഞിരിക്കേണ്ട പ്രധാനപ്പെട്ട കാര്യം, അഞ്ചില്‍ കൂടുതല്‍ മെമ്ബര്‍മാരുള്ള ഗ്രൂപ്പുകളില്‍ മാത്രമേ ഈ ഫീച്ചര്‍ പ്രവര്‍ത്തിക്കുകയുള്ളൂ.
കൈരളി ന്യൂസ് വാട്സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
