കരവാരം പഞ്ചായത്തിൽ കോൺഗ്രസ് മണ്ഡലം കമ്മിറ്റി അംഗങ്ങളും മഹിളാ കോൺഗ്രസ് പ്രവർത്തകരും ഉൾപ്പെടെ സിപിഐ എമ്മിനൊപ്പം പ്രവർത്തിക്കാൻ തീരുമാനിച്ചു. കോൺഗ്രസ് പ്രാദേശിക നേതാക്കളായ ലാലി, സജീവ്, നാസർ, മുംതാസ്, മെഹർബാൻ, അനീഷ് പള്ളിമുക്ക്, ഷെമീന, സ്വരാജ്, അമ്പി തുടങ്ങിയവരാണ് കുടുംബാംഗങ്ങൾക്കൊപ്പം സിപിഐ എമ്മുമായി സഹകരിച്ച് പ്രവർത്തിക്കാൻ തീരുമാനിച്ചത്.
കോൺഗ്രസിന്റെ ബിജെപി അനുകൂല നിലപാടിൽ പ്രതിഷേധിച്ചാണ്‌ ഇവർ രാജിവച്ചത്‌. ബി സത്യൻ എംഎൽഎ പതാക നൽകി സ്വീകരിച്ചു. യോഗത്തിൽ സിപിഐ എം കിളിമാനൂർ ഏരിയ സെക്രട്ടറി എസ് ജയചന്ദ്രൻ, ഏരിയ കമ്മിറ്റി അംഗങ്ങളായ കെ സുഭാഷ്, എസ് മധുസൂദനക്കുറുപ്പ്, എസ് എം റഫീക്ക് എന്നിവർ സംസാരിച്ചു. വരുംദിവസങ്ങളിൽ കൂടുതൽ പേർ കോൺഗ്രസിൽനിന്ന്‌ സിപിഐ എമ്മിലേക്ക് എത്തുമെന്ന്‌ പ്രവർത്തകർ പറഞ്ഞു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
