കോണ്‍ഗ്രസ്സ് വിട്ട് എൻ സി പി യില്‍ ചേര്‍ന്ന മുതിര്‍ന്ന നേതാവ് പി.സി. ചാക്കോയ്ക്ക് അനുഭാവം പ്രകടിപ്പിച്ച് എറണാകുളം ഡിസിസിയില്‍ രാജി.
ഡി സി സി ജനറല്‍ സെക്രട്ടറി ബിജു ആബേല്‍ ജേക്കബ്ബാണ് കോണ്‍ഗ്രസില്‍ നിന്നു രാജിവെച്ചത്. രാജിക്കത്ത് കെപിസിസി പ്രസിഡന്റിനും ഡിസിസി പ്രസിഡന്റിനും കൈമാറിയതായി അദ്ദേഹം അറിയിച്ചു.
ഒറ്റവരിയിലുള്ള രാജിക്കത്താണ് കെപിസിസി അധ്യക്ഷനും ഡിസിസി പ്രസിഡന്റിനും കൈമാറിയത്. അതേസമയം എൻസിപിയിൽ ചേർന്ന ചാക്കോ വ്യാഴാഴ്ച കേരളത്തിൽ തിരിച്ചെത്തും.
തുടര്‍ന്ന് മറ്റന്നാൾ കോങ്ങാട് മണ്ഡലത്തിൽ മുഖ്യമന്ത്രി പിണറായി വിജയന്‍റെ സാന്നിധ്യത്തിൽ നടക്കുന്ന യോഗമായിരിക്കും ചാക്കോയുടെ ആദ്യ എൽഡിഎഫ് തെരഞ്ഞെടുപ്പ് പ്രചരണ പരിപാടി. തുടർന്ന് കേരളത്തിലെ 14 ജില്ലകളിലും എൽഡിഎഫിനു വേണ്ടി അദ്ദേഹം പ്രചാരണത്തിനിറങ്ങും.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
