ഇറക്കുമതി ചെയ്ത വാഹന ഭാഗങ്ങൾ മഹാരാഷ്ട്രയിലെ പുണെക്കെടുത്ത് രഞ്ജൻഗാവിലെ പ്ലാന്റിൽ കൂട്ടിയോജിപ്പിച്ചെത്തുന്ന മെയ്ഡ് ഇൻ ഇന്ത്യ ജീപ്പ് റാൻഗ്ലറിന്റെ അൺലിമിറ്റഡ് പതിപ്പിന് 53.9 ലക്ഷവും, റുബികോൺ പതിപ്പിന് 57.9 ലക്ഷവുമാണ് എക്‌സ്-ഷോറൂം വില.
സിബിയു (കംപ്ലീറ്റ്ലി ബിൽറ്റ് യൂണിറ്റ്) രീതിയിൽ ഇതുവരെ ലഭ്യമായിരുന്ന ജീപ്പ് റാൻഗ്ലറിന് 63.94 ലക്ഷം മുതൽ 68.94 ലക്ഷം വരെയായിരുന്നു എക്‌സ്-ഷോറൂം വില.
അൺലിമിറ്റഡ് അടിസ്ഥാനമായ 80ത് ആനിവേഴ്സറി എഡിഷനിലും ഇന്ത്യൻ നിർമ്മിത റാൻഗ്ലർ ലഭ്യമാണ്.
2.0-ലിറ്റർ, 4 സിലിണ്ടർ ടർബോചാർജ്ഡ് പെട്രോൾ എൻജിൻ ആണ് ജീപ്പ് റാൻഗ്ലറിനെ ചലിപ്പിക്കുന്നത്.
അമേരിക്കൻ പ്രീമിയം എസ്‌യുവി നിർമ്മാതാക്കളായ ജീപ്പ് ഇന്ത്യയിൽ നിർമ്മിച്ച റാൻഗ്ലർ അവതരിപ്പിച്ചു. പൂർണമായും വിദേശത്ത് നിർമിച്ച നാലാം തലമുറ റാൻഗ്ലർ എസ്‌യുവിയെ ഇറക്കുമതി ചെയ്താണ് ജീപ്പ് 2019-ൽ ഇന്ത്യയിൽ ലോഞ്ച് ചെയ്തത്. സിബിയു (കംപ്ലീറ്റ്ലി ബിൽറ്റ് യൂണിറ്റ്) രീതിയിൽ അവതരിപ്പിച്ചതിനാൽ 63.94 ലക്ഷം മുതൽ 68.94 ലക്ഷം വരെയായിരുന്നു എക്‌സ്-ഷോറൂം വില. അതെ സമയം ഭാഗങ്ങളായി ഇറക്കുമതി ചെയ്തത് പുണെക്കെടുത്ത് രഞ്ജൻഗാവിലെ പ്ലാന്റിൽ കൂട്ടിയോജിപ്പിച്ചെത്തുന്ന മെയ്ഡ് ഇൻ ഇന്ത്യ ജീപ്പ് റാൻഗ്ലർ പതിപ്പിന്റെ വില 11 ലക്ഷം രൂപ വരെയാണ് കുറച്ചിരിക്കുന്നത്.
ജീപ്പ് റാൻഗ്ലർ അൺലിമിറ്റഡ് പതിപ്പിന് 53.9 ലക്ഷവും, റുബികോൺ പതിപ്പിന് 57.9 ലക്ഷവുമാണ് ഇന്ത്യൻ നിർമ്മിത മോഡലിന്റെ എക്‌സ്-ഷോറൂം വില. ഇതുകൂടാതെ അൺലിമിറ്റഡ് അടിസ്ഥാനമായ 80ത് ആനിവേഴ്സറി എഡിഷനിലും ഇന്ത്യൻ നിർമ്മിത റാൻഗ്ലർ ലഭ്യമാണ്. ജീപ്പ് ഇന്ത്യൻ നിർമ്മിത റാൻഗ്ലർ മോഡലികളുടെ ബുക്കിങ്ങും ആരംഭിച്ചു.
സെവൻ സ്ലാറ്റ് ഗ്രിൽ, റൗണ്ട് എൽഇഡി ഹെഡ്‌ലാമ്പുകൾ, ഫെൻഡർ ഘടിപ്പിച്ച സൈഡ് ഇൻഡിക്കേറ്ററുകൾ, 18 ഇഞ്ച് അലോയ് വീലുകൾ, ഫോഗ് ലാമ്പുകൾ, എൽഇഡി ടെയിൽ ലൈറ്റുകൾ, ടെയിൽഗേറ്റ് ഘടിപ്പിച്ച സ്‌പെയർ വീൽ എന്നിങ്ങനെ എല്ലാ ജീപ്പ് ചേരുവകളും ചേർന്ന മോഡൽ ആണ് റാൻഗ്ലർ. ബ്ലാക്ക്, ഫയർക്രാക്കർ റെഡ്, ഗ്രാനൈറ്റ് ക്രിസ്റ്റൽ, സ്റ്റിംഗ് ഗ്രേ, ബ്രൈറ്റ് വൈറ്റ് എന്നീ അഞ്ച് നിറങ്ങളിൽ റാൻഗ്ലർ ലഭ്യമാണ്. ബോണറ്റിന് ഇരുവശത്തുമായി ‘RUBICON’ സ്റ്റിക്കർ, 17-ഇഞ്ച് കറുപ്പ് നിറത്തിലുള്ള അലോയ് വീലുകൾ, ചുവപ്പു നിറത്തിൽ ടോ-ഹുക്ക്, ഉയരം കൂടിയ സൈഡ് ഫെൻഡർ, എയർ വെന്റുകളുള്ള ബോണറ്റ് എന്നിവയാണ് റുബികോൺ പതിപ്പിനെ വ്യത്യസ്തമാക്കുന്നത്.
ലുക്ക് മാറ്റിപ്പിടിച്ച് 2021 ജീപ്പ് കോമ്പസ് വിപണിയിൽ; വില 16.99 ലക്ഷം മുതൽ
ആപ്പിൾ കാർപ്ലേ, ആൻഡ്രോയിഡ് ഓട്ടോ കണക്ടിവിറ്റിയുള്ള ജീപ്പിന്റെ UConnect കണക്റ്റിവിറ്റി സ്യൂട്ട്, 7-ഇഞ്ച് മൾട്ടി-ഇൻഫർമേഷൻ ഡിസ്പ്ലേ, സെമി ഡിജിറ്റൽ ഇൻസ്ട്രുമെന്റ് പാനൽ, ഇലക്ട്രോണിക് സ്റ്റെബിലിറ്റി കൺട്രോൾ, ബ്രേക്ക് അസിസ്റ്റ്, ഓൾ-സ്പീഡ് ട്രാക്ഷൻ കൺട്രോൾ സിസ്റ്റം, ഫ്രണ്ട് & സൈഡ് എയർബാഗുകൾ എന്നീ ഫീച്ചറുകളും ജീപ്പ് റാൻഗ്ലറിൽ ഉൾപെടുത്തിയിട്ടുണ്ട്.
2.0-ലിറ്റർ, 4 സിലിണ്ടർ ടർബോചാർജ്ഡ് പെട്രോൾ എൻജിൻ ആണ് ജീപ്പ് റാൻഗ്ലറിനെ ചലിപ്പിക്കുന്നത്. 264 ബിഎച്ച്പി പവറും 400 എൻഎം ടോർക്കും ഉത്പാദിപ്പിക്കുന്ന ഈ എൻജിൻ 8-സ്പീഡ് ഓട്ടോമാറ്റിക് ഗിയർബോക്‌സുമായാണ് ബന്ധിപ്പിച്ചിരിക്കുന്നത്. ജീപ്പിന്റെ RockTrac 4×4 ഓൾ-വീൽ ഡ്രൈവ് സിസ്റ്റവും റാംഗ്ലർ എസ്‌യുവിയിലുണ്ട്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
