ട്രെന്റ് സെറ്റിങ്ങ് ലുക്കാണ് എഫ്19 പ്രോ പ്ലസ് 5ജി, എഫ്19 പ്രോ ഫോണുകളുടെ പ്രത്യേകതയെന്നാണ് നിര്‍മാതാക്കളായ ഒപ്പോ അവകാശപ്പെടുന്നത്.എ.ഐ. ഹൈലൈറ്റ് പോര്‍ട്ടറൈറ്റ് വീഡിയോ, സ്മാര്‍ട്ടി 5ജി, 50 വാട്ട് ഫ്‌ളാഷ് ചാര്‍ജിങ്ങ്, സിസ്റ്റം പെര്‍ഫോമെന്‍സ് ഒപ്റ്റിമൈസര്‍ തുടങ്ങിയ സംവിധാനങ്ങളും ഈ ഫോണുകളില്‍ ഇടംനേടിയിട്ടുണ്ട്.
ഒപ്പോ എഫ്19 പ്രോ പ്ലസ് സ്‌പേസ് സില്‍വര്‍, ഫ്‌ളൂയിഡ് ബ്ലാക്ക് എന്നീ രണ്ട് നിറങ്ങളിലാണ് അവതരിപ്പിച്ചിട്ടുള്ളത്. എട്ട് ജി.ബി. റാമും 128 ജി.ബി. സ്റ്റോറേജുമാണ് ഈ ഫോണില്‍ ഒരുക്കിയിട്ടുള്ളത്.എഫ്19 പ്രോ പ്രധാന റീട്ടെയ്ല്‍ ഷോപ്പുകള്‍ക്ക് പുറമെ, ആമസോണ്‍, ഫ്‌ളിപ്പ്കാര്‍ട്ട് മറ്റ് ഇ-കൊമേഴ്‌സ് പ്ലാറ്റ്‌ഫോമിലും വില്‍പ്പനയ്ക്ക് എത്തിയിട്ടുണ്ട്.അല്‍ട്രോ തിന്‍ ഡിസൈനിലാണ് ഈ ഫോണുകള്‍ രൂപകല്‍പ്പന ചെയ്തിരിക്കുന്നത്. 7.8, 73.4, 160.1 എം.എം. എന്നിങ്ങനെയാണ് ഈ ഫോണിന്റെ അളവുകള്‍. 173 ഗ്രാമാണ് ഭാരം.
എഫ്. എച്ച്‌.ഡിയിലുള്ള വീഡിയോകള്‍ക്കും ഗെയിമുകള്‍ക്കും മികച്ച ക്ലാരിറ്റി ഒരുക്കുന്ന ഡിസ്‌പ്ലേയാണ് ഈ ഫോണുകളിലുള്ളത്.അഞ്ച് മിനിറ്റ് ചാര്‍ജിങ്ങില്‍ അഞ്ച് മണിക്കൂര്‍ ടോക്ക് ടൈമും 3.5 മണിക്കൂര്‍ വീഡിയോയും പ്ലേയും, 1.5 മണിക്കൂര്‍ ഇന്‍സ്റ്റഗ്രാം ഉപയോഗവും ലഭ്യമാകും.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
