മഹാരാഷ്ട്രയില്‍ രണ്ട് ജില്ലകളില്‍ ലോക്ഡൗണ്‍

മഹാരാഷ്ട്രയില്‍ അതിതീവ്ര വൈറസ് കണ്ടെത്തിയതോടെ മറാഠ്‌വാഡ മേഖലയിലെ നാന്ദേഡ്, ബീഡ് ജില്ലകളില്‍ ഇന്നു മുതല്‍ ഏപ്രില്‍ 4 വരെ പൂര്‍ണ ലോക്ഡൗണ്‍ പ്രഖ്യാപിച്ചു.

അതേസമയം മഹാരാഷ്​ട്രയില്‍ പ്രതിദിന കോവിഡ്​ രോഗികളുടെ എണ്ണം 36,000​ലേക്ക്​ അടുക്കുന്നു. കഴിഞ്ഞ 24 മണിക്കൂറിനിടെ 35,952 പേര്‍ക്കാണ്​ രോഗബാധ സ്ഥിരീകരിച്ചത്​. 111 മരണവും സ്ഥിരീകരിച്ചിട്ടുണ്ട്​.

മുംബൈയില്‍ മാത്രം 5,504 പേര്‍ക്കാണ്​ രോഗം സ്ഥിരീകരിച്ചത്​. കര്‍ശന നിയന്ത്രണങ്ങള്‍ക്കിടയിലും ദിവസങ്ങളായി മഹാരാഷ്​ട്രയില്‍ കോവിഡ്​ രോഗികളുടെ എണ്ണം ഉയരുന്നത്​ ആശങ്കയുണ്ടാക്കുന്നുണ്ട്​​.