തപാൽ വോട്ട്: പേരാവൂരിലെ പരാതി അന്വേഷിച്ച് റിപ്പോർട്ട് നൽകാൻ കണ്ണൂർ കളക്ടർക്ക് മുഖ്യ തിരഞ്ഞെടുപ്പ് ഓഫീസറുടെ നിർദേശം

പേരാവൂർ നിയോജകമണ്ഡലത്തിലെ തപാൽ ബാലറ്റ് സംബന്ധിച്ച് പരാതി അന്വേഷിച്ച് അടിയന്തിര റിപ്പോർട്ട് നൽകാൻ കണ്ണൂർ ജില്ലാ തിരഞ്ഞെടുപ്പ് ഓഫീസറോട് മുഖ്യ തിരഞ്ഞെടുപ്പ് ഓഫീസർ ടീക്കാറാം മീണ ആവശ്യപ്പെട്ടു.

തപാൽ ബാലറ്റ് സംബന്ധിച്ച പ്രക്രിയകൾ കൃത്യമായ നിർദ്ദേശിക്കപ്പെട്ട രീതിയിൽ കൃത്യമായ നടക്കുന്നെന്നും പരാതികൾക്ക് ഇട നൽകാത്തവിധം നിഷ്പക്ഷമായി നടക്കുന്നെന്നും ജില്ലാ കളക്ടർമാരും വരണാധികാരികളും ഉറപ്പാക്കണമെന്നും മുഖ്യ തിരഞ്ഞെടുപ്പ് ഓഫീസർ നിർദ്ദേശിച്ചു.