ക്രൈംബ്രാഞ്ച് കേസില്‍ ഇ ഡിക്ക് തിരിച്ചടി. ഇ ഡിക്കെതിരായ അന്വേഷണം തുടരാമെന്ന് ഹൈക്കോടതി.ക്രൈംബ്രാഞ്ച് അന്വേഷണം സ്റ്റേ ചെയ്യണമെന്ന ആവശ്യം കോടതി അനുവദിച്ചില്ല.
അതേ സമയം മുഖ്യമന്ത്രിക്കെതിരെ മൊ‍ഴി നല്‍കാന്‍ ഇ ഡി ഉദ്യോഗസ്ഥന്‍ സമ്മര്‍ദ്ദം ചെലുത്തിയെന്ന പരാതിയില്‍ സന്ദീപ് നായരുടെ മൊ‍ഴിയെടുക്കാന്‍ ക്രൈംബ്രാഞ്ചിന് അനുമതി ലഭിച്ചു.
ക്രൈംബ്രാഞ്ച് കേസ് റദ്ദാക്കണമെന്നാവശ്യപ്പെട്ട് ഇ ഡി സമര്‍പ്പിച്ച ഹര്‍ജി പരിഗണിക്കവെയാണ് അന്വേഷണം സ്റ്റേ ചെയ്യണമെന്ന് ഇ ഡിക്കുവേണ്ടി സോളിസിറ്റര്‍ ജനറല്‍ തുഷാര്‍ മേത്ത ആവശ്യപ്പെട്ടത്.എന്നാല്‍ സ്റ്റേ നല്‍കാനാവില്ലെന്നറിയിച്ച കോടതി അന്വേഷണം തുടരാമെന്നും വ്യക്തമാക്കി.
അതേ സമയം ഉദ്യോഗസ്ഥരെ വിളിച്ചുവരുത്തി മൊഴിയെടുക്കുന്നതുള്പ്പടെയുള്
അന്വേഷണത്തിന്‍റെ മറവില്‍ ക്രൈംബ്രാഞ്ച് വ്യാജ തെളിവുകള്‍ നിര്‍മ്മിക്കുമെന്നും ഇത് തടയണമെന്നും ഇ ഡി ആവശ്യപ്പെട്ടിരുന്നു.കൂടാതെ കേസ് ഡയറിയും വിശദാംശങ്ങളും ഹാജരാക്കാന്‍ നിര്ദേശിക്കണമെന്നാവശ്യപ്പെട്
എന്നാല്‍ ഇത്തരത്തില്‍ കേസ് ഡയറി ഹാജരാക്കണമെന്ന് ആവശ്യപ്പെടാന്‍ ഹര്‍ജിക്കാരന് അവകാശമില്ലെന്ന് സര്‍ക്കാര്‍ ചൂണ്ടിക്കാട്ടി.ക്രൈംബ്രാഞ്ച് അന്വേഷണം തടസ്സപ്പെടുത്താനാണ് ഇ ഡി ശ്രമിക്കുന്നതെന്നും സര്‍ക്കാര്‍ ആരോപിച്ചു.
അന്വേഷണത്തില്‍ കാലതാമസം വരുത്തി തെളിവ് ഇല്ലാതാക്കാന്‍ ഇ ഡി ശ്രമിക്കുന്നതായും സര്‍ക്കാര്‍ കോടതിയെ അറിയിച്ചു.അറസ്റ്റ് ഉള്‍പ്പടെയുള്ള കര്‍ശന നടപടികളിലേക്ക് കടക്കരുതെന്ന് നിര്‍ദേശിച്ച കോടതി അന്വേഷണം സ്റ്റേ ചെയ്യണമെന്ന ഇ ഡിയുടെ ആവശ്യം നിരസിക്കുകയായിരുന്നു.
ഹര്‍ജി പരിഗണിക്കുന്നത് ആടുത്തമാസം 8ലേക്ക് മാറ്റി.അതേ സമയം മുഖ്യമന്ത്രിക്കെതിരെ മൊ‍ഴി നല്‍കാന്‍ ഇ ഡി ഉദ്യോഗസ്ഥന്‍ സമ്മര്‍ദ്ദം ചെലുത്തിയെന്ന പരാതിയില്‍ സന്ദീപ് നായരുടെ മൊ‍ഴിയെടുക്കാന്‍ ക്രൈംബ്രാഞ്ചിന് അനുമതി ലഭിച്ചു. ജയിലിലെത്തി സന്ദീപിന്‍റെ മൊ‍ഴിയെടുക്കാന്‍ എറണാകുളം ജില്ലാ സെഷന്‍സ് കോടതിയാണ്,അനുമതി നല്‍കിയത്.
രണ്ട് ദിവസങ്ങളിലായി മൊ‍ഴിയെടുക്കാനാണ് അനുമതി ലഭിച്ചത്.മുഖ്യമന്ത്രിക്കും മന്ത്രിമാര്‍ക്കുമെതിരെ മൊ‍ഴി നല്‍കാന്‍ ഇ ഡി ഉദ്യോഗസ്ഥന്‍ സമ്മര്‍ദ്ദം ചെലുത്തിയെന്ന് ചൂണ്ടിക്കാട്ടി സന്ദീപ് നായര്‍ എറണാകുളം സെഷന്‍സ് ജഡ്ജിക്ക് പരാതി അയച്ചിരുന്നു.
ഇ ഡിക്കെതിരെയുള്ള ഗുരുതര ആരോപണങ്ങളുടെ നിജസ്ഥിതി പരിശോധിക്കുന്നതിനായി സന്ദീപ് നായരുടെ മൊ‍ഴിയെടുക്കാന്‍ ക്രൈംബ്രാഞ്ച് തീരുമാനിച്ചിരുന്നു.ഇതിന്‍റെ ഭാഗമായാണ് ജയിലില്‍ വെച്ച് മൊ‍ഴിയെടുക്കാന്‍ അനുമതി തേടി ക്രൈംബ്രാഞ്ച് കോടതിയെ സമീപിച്ചത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
